Тэма смяротнага пакарання загучала ў вёсках Беларусі

2015 2015-11-30T12:54:09+0300 2015-11-30T14:59:34+0300 be http://spring96.org/files/images/sources/valanciory-smjarotnae-vioski.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Валанцёры кампаніі “Праваабаронцы супраць смяротнага пакарання” распачалі інфармаванне жыхароў беларускіх вёсак па тэме смяротнай кары.

Ідэя гэтай ініцыятывы з’явілася падчас Летніх школ на правах чалавека ў Вільні з мэтаю ўзняць дыскусію па смяротнаму пакаранню сярод жыхароў малых населеных пунктаў.

 “Група валанцёраў сыходзіла з таго, што пра смяротнае пакаранне шмат гавораць, але ў асяродку праваабаронцаў. Таксама мы апіраліся на дадзеныя сацыялагічнага даследавання, праведзенага кампаніяй SATIO, паводле якога 30% рэспандэнтаў лічаць, што ў Беларусі даўно ўведзены мараторый на смяротнае пакаранне. Зараз склаўся пэўны вобраз чалавека, які выступае супраць смяротнага пакарання – і гэта праваабаронца. А вобразу проста чалавека, які выступае супраць смяротнай кары ў нас няма. Да жыхароў вёсак не даходзіць праўдзівая інфармацыя“,  - адзначае валанцёр кампаніі Таццяна Гацура.

Валанцёры зрабілі адмысловыя плакаты і ўлёткі з інфармацыяй па справе Міхаіла Гладкага, як прыклад невіноўнага чалавека, які паводле судовай памылкі адсядзеў вялікі тэрмін за злачынства, якога ён не здзяйсняў. Таксама на ўлётках паведамляецца пра тое, што Беларусь – гэта адзіная краіна ў Еўропе, якая выкарыстоўвае смяротнае пакаранне і дадзеныя пра суседнія краіны, якія адмянілі смяротную кару.

“Мы развешвалі плакаты на прыпынках транспарту, каля крам і распаўсюджвалі ўлёткі праз паштовыя скрыні. Таксама мы размаўлялі з жыхарамі вёсак. Адзін з запамінальных выпадкаў – гэта сустрэча з дырэктарам школы і выкладчыкам гісторыі ў адным з мястэчкаў. Яны вельмі прыязна паставіліся да нашай ідэі і папрасілі ўзяць яшчэ ўлётак для распаўсюду. Апрача інфармавання, мы хацелі знайсці гісторыі людзей, падобных да Міхаіла Гладкага – невіноўных, якія адсядзелі працяглы тэрмін па судовай памылцы”, - распавёў валанцёр Кірыл Кажэнаў .

У доўгатэрміновых планах групы, разлічаных на два гады, уваходзіць інфармаванне пра праблемы звязаныя са смяротным пакараннем  як мага большай колькасці беларусаў.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international