На Андрэя Гайдукова склалі пратакол за раздачу ўлётак пра зніклых палітыкаў
Андрэй Гайдукоў, Наваполацк, 2015 год.
На актывіста аргкамітэту па стварэнні партыі “Беларуская Хрысціянская Дэмакратыя” Андрэя Гайдукова склалі пратакол за акцыю салідарнасці з зніклымі беларускімі палітыкамі, якую ён правёў 16 лістапада ў Наваполацку.
“Пратакол склалі па 23.34 частка 3 (парушэнне парадку арганізацыі ці правядзення масавых мерапрыемстваў). Я спадзяваўся, што будзе "несанкцыянаваны распаўсюд прадукцыі СМІ". Буду чакаць позвы ў суд”, - адзначыў актывіст.
Пратакол складалі ў міліцыю, куды Андрэя Гайдукова выклікалі тэлефонным званком. «Учора быў званок ад іх з пытаннем, ці згодны я прыйсці. Я сказаў так, толькі афармляйце позву. Сёння зноў патэлефанавалі (капітан Рыбічонак Яўген Юр'евіч), сказалі позву ўручаць там», - падкрэсліў ён.
