Хто адказвае ў Магілёве за мінулыя выбары?

2015 2015-11-09T09:04:08+0300 2015-11-09T09:04:08+0300 be http://spring96.org/files/images/sources/magileu-kastrychnicki-rajon.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Адміністрыцыя Кастрычніцкага раёна Магілёва. Фота: mogilev-region.gov.by

Адміністрыцыя Кастрычніцкага раёна Магілёва. Фота: mogilev-region.gov.by

Адміністрацыя Кастрычніцкага раёна адмовілася абвясціць вынікі прэзідэнцкіх выбараў па кожным з участкаў. Нагадаем, што Барыс Бухель ў сваёй заяве прасіў адміністрацыю Кастрычніцкага раёна даць інфармацыю аб выніках галасавання па кожнаму участку.

Калі верыць адказу за подпісам кіраўніка адміністрацыі Міхаіла Галушкова, прадаставіць інфармацыю, якую запатрабаваў у сваёй заяве праваабаронца Барыс Бухель, не ўяўляецца магчымым.

«Запытаная інфармацыя ў кампетэнцыю адміністрацыі не ўваходзіць», - напісаў у адказе Галушкоў.

Чыноўнік аргументаваў гэта спасылкай на артыкул 24 Выбарчага кодэкса, заявіўшы, у прыватнасці, што “на раённыя выканаўчыя і распарадчыя органы ўлады ўскладзены, ў першую чаргу, задачы арганізацыйнага і тэхнічнага характару: утварэнне участкаў для галасавання і ўчастковых камісій па правядзенні выбараў, прадастаўленне памяшканняў для размяшчэння камісійі неабходнага абсталявання”. Таксама адміністрацыя Кастрычніцкага раёна спаслалася на тое, што падрыхтоўку і правядзенне выбараў Прэзідэнта Рэспублікі Беларусь, згодна з артыкулам 27 ВК, забяспечваюць тэрытарыяльныя і ўчастковыя камісіі па выбарах Прэзідэнта Рэспублікі Беларусь.

Пры гэтым, у сваім адказе адміністрацыя не раскрывае, якая менавіта структура можа даць адказ на запыт Бухеля. Пры гэтым, частка 2 арт.13 Выбарчага кодэкса абавязвае распарадчыя органы інфармаваць грамадзян пра сваю працу па правядзенні выбараў і выніках галасавання.

Праваабаронца рыхтуецца абскардзіць адказ чыноўнікаў у вышэйстаячых  органах.

"Магілёўская Вясна"

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international