Гродзенскія ўлады перашкаджаюць правядзенню Дня памяці паўстанцаў 1863 года

2015 2015-10-30T10:35:21+0300 2015-10-30T10:35:21+0300 be http://spring96.org/files/images/sources/akcyja-u-svislaczy.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Акцыя ў Свіслачы, фота volkovysk.by

Акцыя ў Свіслачы, фота volkovysk.by

Правядзенню традыцыйнай акцыі на Гродзеншчыне “Дзень памяці паўстанцаў 1863-га года” перашкаджаюць улады. У апошнія выходныя кастрычніка ўжо больш за дваццаць гадоў запар ладзіцца гэтае мерапрыемства. На яго прыходзяць не толькі жыхары Свіслачы, але і прыязджаюць людзі з усёй Гродзенскай вобласці і не толькі. Наведваюць Дзень памяці і прадстаўнікі іншых рэгіёнаў Беларусі. Гэтае мерапрыемства адкрывае шэраг іншых, звязаных з ушанаваннем продкаў, з’яўляецца пярэдаднем Дзядоў.

   У Свіслачы грамадскімі актывістамі і краязнаўцамі была знойдзеная магіла Віктара Каліноўскага, роднага брата кіраўніка паўстання Кастуся Каліноўскага. Віктар Каліноўскі быў ідэйным натхняльнікам свайго брата. На жаль, ён не дажыў да паўстання. Яго ж брат, нацыянальны герой беларусаў Кастусь Каліноўскі ўзняў паўстанне. Ён быў павешаны ў Вільні, а цела карнікамі было знішчана ці схавана так, каб беларусы не ведалі, дзе яно.

Дзень памяці паўстанцаў і ўсіх палеглых за Беларусь традыцыйна праводзіцца ў Свіслачы каля магілы Віктара Каліноўскага, каля помнікаў Кастусю Каліноўскаму і Рамуальду Траўгуту. Удзельнікаў Дня памяці неаднаразова затрымлівалі і судзілі, запалохвалі і перашкаджалі збірацца.

   У гэтым годзе перашкоды пачаліся загадзя. 29 кастрычніка гродзенскі аўтапарк адмовіў арганізатарам у прадстаўленні ўжо аплачанага аўтобуса.

   Кажа арганізатар аўтобуснага выезду ў Свіслач Уладзімір Хільмановіч: “Сёння мне патэлефанавалі з гродзенскага аўтапарка. Жанчына спалоханым голасам паведаміла, што аўтапарк не зможа забяспечыць нас аўтобусам, які быў замоўлены і аплачаны. Я асабіста замаўляў аўтобус на 28 чалавек на праезд у Свіслач на Дзень памяці паўстанцаў 1863 года. Відавочна, што гэта рашэнне не аўтапарку. Такім чынам, улады імкнуцца перашкодзіць правядзенню фэсту памяці, калі напярэдадні Дзядоў людзі едуць у Свіслач і ўшаноўваюць нашых нацыянальных герояў”.

   Уладзімір Хільмановіч 29 кастрычніка наведаў аўтапарк і падаў скаргу на імя дырэктара. Зараз арганізатары шукаюць іншыя мажлівасці даезду ў Свіслач, каб аддаць даніну памяці нацыянальным героям. Варта дадаць, што летась Дзень памяці паўстанцаў 1863 года быў прызнаны Асамблеяй няўрадавых арганізацый рэгіянальнай падзеяй года.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international