Міліцыянты затрымалі ўдзельнікаў акцыі ў Курапатах

2015 2015-10-29T20:25:41+0300 2015-10-30T08:25:51+0300 be http://spring96.org/files/images/sources/kurapaty.jpg
Крыжы ў Курапатах.

Крыжы ў Курапатах.

Пасьля акцыі памяці ў Курапацкім лесе міліцыянты спынілі аўтамабіль, у якім ехалі Алесь Макаеў, Вячаслаў Сіўчык, Ніна Багінская і Алена Таўстая. Актывістаў не адпускаюць ужо больш за 30 хвілін.

«Знайшлі, што не прайшоў тэхагляд, няспраўная фара... Мяркую, гэтую праверку зладзілі невыпадкова. Пакуль усе тут, нікога не адпускаюць, складаюць пратаколы», — паведаміў карэспандэнту Свабоды прадпрымальнік, адзін з арганізатараў акцыі Алесь Макаеў.

Удзельніца акцыі ў Курапатах Ганна Шапуцька таксама паведаміла пра групу невядомых у цывільным, якія назіралі за акцыяй і пры гэтым паводзілі сябе вельмі агрэсіўна.

Таксама на выезьдзе з Курапацкага лесу ў бок «Бульбаш-холу» супрацоўнікі ДАІ спынілі аўтамабіль актывіста Яўгена Батуры. «Перарылі ўсё, нават пад дыванкі зазірнулі, але пакуль нічога не знайшлі, да чаго прычапіцца. Але не адпускаюць», — паведаміў Яўген Батура.

Побач зь ім спынены таксама аўтамабіль ягонага сваяка. «Яго таксама правяраюць», — сказаў актывіст.

Пазьней супрацоўнікі ДАІ адпусьцілі ўсіх затрыманых. Паводле Алеся Макаева, усяго інспэктары спынілі пяць аўтамабіляў і найдаўжэй трымалі аўтамабіль інваліда-вазочніка Юрыя Ляшэнкі.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international