70 год ААН: У суботу галоўныя сусветныя славутасці будуць падсвечаны блакітным «аанаўскім» колерам

2015 2015-10-22T13:07:19+0300 2015-10-22T13:07:19+0300 be http://spring96.org/files/images/sources/aan-sciag.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

У адзначэнне 70-й гадавіны ААН больш за 200 знакамітых манументаў - будынкі, музеі, масты і іншыя архітэктурныя помнікі - будуць падсвечаны блакітным святлом у Дзень Арганізацыі Аб'яднаных Нацый 24 кастрычніка. Акцыя пройдзе ў амаль 60 краінах свету ў рамках сусветнай кампаніі святкавання Дня ААН і сямідзесяцігоддзя Арганізацыі. Нагадаем, блакітны колер - афіцыйны колер Арганізацыі Аб'яднаных Нацый.

Сусветна вядомыя славутасці, такія як Дзяржаўны Эрмітаж і Петрапаўлаўская крэпасць у Санкт-Пецярбургу (Расія), Вялікія Піраміды ў Гізе (Егіпет), хмарачос Эмпайр-стэйт-білдынг ў Нью-Ёрку (ЗША) і Пізанская вежа (Італія), будуць падсвечаны блакітным святлом. Удзельнікамі акцыі таксама стануць Эдынбургскі замак і Вэстмінстэр-хол (Вялікабрытанія), старажытны горад Пятра (Іарданія), статуя Хрыста-Збавіцеля ў Рыа-дэ-Жанейра (Бразілія), Сіднэйскі оперны тэатр (Аўстралія), Тэлевізійная вежа Токіо (Японія), палац Альгамбра (Іспанія) і многія іншыя гістарычныя аб'екты.

Акцыя будзе шырока асветленая ў сацыяльных сетках Instagram, Facebook, Twitter, Weibo, Flickr і інш. Фатаграфіі і відэа падсвечаных блакітным святлом славутасцяў з усяго свету будуць даступныя на мультымедыйных рэсурсах ААН. Запрашаем усіх жадаючых прыняць удзел у святкаванні юбілею сусветнай арганізацыі - фатаграфаваць падсветленыя славутасці і дзяліцца малюнкамі на сваіх старонках у сацыяльных сетках, выкарыстоўваючы хэштэг #UNBlue і # UN70.

Больш падрабязную інфармацыю пра акцыю «Пафарбуй свет у блакітны колер ААН» і пра іншыя мерапрыемствы ў межах святкавання сямідзесяцігоддзя Арганізацыі Аб'яднаных Нацый можна знайсці па спасылцы

Паводле un.org

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international