Міліцыя Гродна не можа ці не хоча разабрацца з паклёпнікамі ў інтэрнэце (дакумент)

   Упраўленне ўнутраных спраў Кастрычніцкага раёна Гродна ўрэшце даслала адказ журналісту Андрэю Мялешку на яго заяву, пададзеную некалькі месяцаў таму, на прадмет абароны гонару і годнасці. Падставай сталі абразлівыя артыкулы на адным з сайтаў з доменам „com”. Сябра БАЖ патрабаваў выявіць і пакараць паклёпнікаў, якія абражалі ягоную журналісцкую працу, яго асабіста, а таксама яго сям’ю.

   Аднак УУС Кастрычніцкага раёна Гродна не выявіла складу крымінальнага злачынства ў паклёпніцкіх матэрыялах. Згаданая інтэрнэт-старонка, якая зарэгістравана ў Расійскай Федэрацыі, надалей працягвае сваю абражальную і ачарняльную дзейнасць у дачыненні да журналістаў і грамадска-палітычных актывістаў Гродна. Асобы, якія яе рэдагуюць, упэўнены мясцовыя актывісты, жывуць у Гродне, міліцыя іх ведае, але не жадае прымаць меры.

   Андрэй Мялешка намераны звяртацца ў органы пракуратуры.