Брэст: у спісе было 1 200 выбаршчыкаў, прагаласавала – 1543. Назіральнікі падалі скаргу

2015 2015-10-15T10:45:57+0300 2015-10-15T10:45:57+0300 be http://spring96.org/files/images/sources/spisy_vybarcy.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Актывісты Беларускай партыі левых “Справядлівы свет” Людміла і Аляксандр Дзенісенка падалі скаргі на парушэнні выбарчага заканадаўства на ўчастку №41 Ленінскага раёна Брэста, дзе яны былі назіральнікамі.

Паводле слоў Аляксандра Дзенісенкі, у сваёй скарзе ён адзначае, што падлік галасоў на гэтым участку не адказваў патрабаванню галоснасці. «Назіральнікі знаходзіліся на адлегласці 10 метраў ад месца падліку галасоў, а падысці бліжэй не дазваляла старшыня камісіі, - кажа Дзенісенка. - Пры гэтым сябры камісіі цалкам захілілі сваімі спінамі стол, за якім вялі падлік выбарчых бюлетэняў. Вынікі па кожнай скрыні для галасавання не абвяшчаліся, і я даведаўся пра іх толькі з агульнага пратаколу”. Назіральнік лічыць, што такім чынам сябры выбаркама груба парушылі артыкул 13 Выбарчага кодэкса, які прадугледжвае галоснасць пры правядзенні выбараў.

У сваю чаргу Людміла Дзенісенка звяртае ўвагу на тое, што камісіяй быў неналежным чынам складзены спіс выбаршчыкаў. Згодна з пратаколам, на 10 кастрычніка ў гэтым спісе было 1200 чалавек, а камісія атрымала 1220 бюлетэняў. “У той жа час выніковы пратакол сведчыць, што на ўчастку прагаласавала 1543 выбаршчыка, адзін бюлетэнь прызнаны несапраўдным, а 76 бюлетэняў не былі выкарыстаны, - распавяла Людміла Дзенісенка. - Атрымліаваецца, што ў камісіі было 1620 бюлетэняў і старшыня выбаркама давала недакладныя звесткі. Таму я не выключаю, што гэта магло быць свядомым змяньшэннем колькасці выбаршчыкаў на ўчастку дзеля таго, каб забяспечыць высокі працэнт яўкі тых, хто прагаласаваў”.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international