Салігорск: фальсіфікацыю яўкі на ўчастку №24 абскарджваюць у пракуратуры

2015 2015-10-12T14:49:51+0300 2015-10-12T14:49:51+0300 be http://spring96.org/files/images/sources/prakurory.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Салігорскі незалежны назіральнік з выбарчага ўчастка №24 Віктар Малочка накіраваў у раённую пракуратуру скаргу з нагоды значнага разыходжання яўкі выбарцаў у асноўны дзень галасавання паміж яго падлікамі і афіцыйнымі дадзенымі.

У сваёй заяве спадар Малочка заяўляе аб завышэнні рэальнай яўкі выбарцаў выбарчай камісіяй на 382 чалавекі. Да заявы незалежны назіральнік прыклаў свае “тычкаванні” выбарцаў з раскладкай іх прыходу па гадзінах. Віктар Малочка адзначае, што ажыццяўляў назіранне і падлік выбарцаў увесь час, не адлучаючыся з участка нават на абед. Назіральнік таксама звяртае ўвагу пракуратуры на адсутнасць адрозненняў паміж яго дадазенымі яўкі і лічбамі камісіі падчас датэрміновага галасавання, на якім ён таксама стала прысутнічаў.

Акрамя таго, Віктар Малочка просіць правесці праверку сапраўднасці дакументаў аб вылучэнні ў склад камісіі яе чалцоў. Ці насамрэч яны з’яўляюцца сябрамі тых партый і арганізацый, якія іх вылучалі. Гэткую праверку назіральнік просіць правесці з той прычыны, што ўсе сябры камісіі на ўчастку №24 акавзаліся прадстаўнікамі працоўнага калектыву першага рудніка ААТ “Беларуськалій”, на якім дырэктарам з’яўляецца старшыня камісіі Аляксандр Гарбачоў.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international