За сяброўства ва ўчастковай камісіі Таццяну Бялько збіраліся звольніць з працы

2015 2015-10-09T20:51:18+0300 2015-10-09T20:51:18+0300 be http://spring96.org/files/images/sources/bialko-taciana.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

   Таццяна Бялько жыве ў вёсцы Дзеравянчыцы Слонімскага раёна і працуе на мясцовай ферме прыбіральшчыцай. Яна з’яўляецца сябрам участковай камісіі Дзеравянчыцкага ўчастка для галасавання № 32, куды была вылучана Слонімскай гарадской арганізацыяй Грамадскага аб’яднання БНФ “Адраджэнне”.

   Па словах Таццяны, на днях загадчыца фермы яе папярэдзіла, каб яна не хадзіла дзяжурыць ні на якія ўчастковыя камісіі, інакш будзе звольнена за прагулы. Потым загадчыца фермы сказала, што нікуды Таццяну Бялько не пускаць ёй загадаў выконваючы абавязкі дырэктара РУСП “Пераможац” Мікалай Грэчышнікаў.

   “Я пачала тлумачыць жанчыне, што я з’яўляюся сябрам участковай камісіі і сяджу на ўчастку разам са старшынёй сельскага Савета і іншымі сябрамі ўчастковай камісіі. Але яна ўсё роўна мяне не адпускала. Тады я кажу, што напішу заяву аб звальненні – гэтакая тут работа – прыбіральшчыцай на ферме. Праз пэўны час загадчыца фермы супакоілася і прэтэнзій да мяне ўжо не мае. Відаць, Грэчышнікаў пракансультаваўся ў старшыні ўчастковай камісіі, і мяне цяпер не чапаюць”, - распавяла Таццяна Бялько.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international