У Баранавічах назіральнікі заяўляюць пра падробку дакументаў датэрміновага галасавання

2015 2015-10-08T17:40:26+0300 2015-10-08T17:41:36+0300 be http://spring96.org/files/images/sources/daterm-skrynia-zodzina-2.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Назіральнікі з Баранавічаў Рыгор Грык і Таццяна Стрэльчык зафіксавалі падробку выбарчых дакументаў у два першыя дні датэрміновага галасавання і накіравалі адпаведную скаргу ў Баранавіцкую міжраённую пракуратуру.

Увесь час назіральнікі прысутнічалі на выбарчым участку №20 г. Баранавічы, лічылі і запісвалі колькасць прагаласаваўшых выбаршчыкаў. Па іх падліках у першы дзень датэрміновага галасавання – 6 кастрычніка, прагаласавала 39 выбаршчыкаў. Аднак, у пратаколе пасля закрыцця ўчастку з’явілася лічба ў 143 выбаршчыкі. На другі дзень – 7 кастрычніка, сітуацыя паўтарылася: назіральнікі налічылі за ўвесь дзень 87 чалавек, якія прагаласавалі, у той час у пратаколе было адзначана – 146 чалавекі.

Назіральнікі мяркуюць, што ўкід бюлетэняў мог адбыцца ў абед ці ноччу.

“Паколькі скрыні для папярэдняга галавання захоўваюцца ноччу без нашага назірання, мы не можам быць упэўненнымі ў іх захаванасці, магчымы ўкід бюлетэняў гэтых прыпісаных лішніх выбаршчыкаў. Дно скрыні не запячатана, і падчас галасавання было заўважана, як паміж бакавой сценкай і дном высунуўся край выбарчага бюлетэня. На заўвагу назіральніка пра гэта, дзяжурны сябра камісіі падыйшоў і рукамі запіхаў яго назад у скрыню”, - пішуць у скарзе Р. Грык і Т. Стрэльчык і лічаць, што дадзеныя парушэнні паўплываюць на вынікі галасавання.

Таму назіральнікі просяць Баранавіцкую міжраённую пракуратуру правесці праверку па названых фактах, прызнаць вынікі датэрміновага галасавання на выбарчым участку №20 несапраўднымі, а таксама прыцягнуць да крымінальнай адказнасці парушальнікаў выбарчага заканадаўства.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international