viasna on patreon

Гомельская праваабаронца ўзняла тэму неўласцівай для настаўнікаў працы, якой іх прымушаюць займацца

2015 2015-10-04T00:02:54+0300 2015-10-04T00:02:54+0300 be https://spring96.org/files/images/sources/nastaunicy.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Сябра Беларускага Хельсінскага камітэта Марыя Клімовіч пісьмова звярнулася ў Беларускі прафсаюз работнікаў адукацыі і навукі. Да Дня настаўніка праваабаронца ўзняла тэму неўласцівай для настаўнікаў працы, якой іх прымушаюць займацца.

«Хачу звярнуць вашу ўвагу на вялізную праблему, аб якой не прынята гаварыць з высокіх трыбун. Неабходнасць абследваць жыллёва-бытавыя ўмовы навучэнцаў і кантраляваць так званыя праблемныя сем'і наносіць маральную шкоду годным настаўнікам, - піша Марыя Клімовіч. - Адна з самых жахлівых сітуацый - пастаноўка на ўлік у якасці сем'яў, што знаходзяцца ў сацыяльна-небяспечным становішчы ў выпадках, калі бацькі маюць запазычанасці па камунальных паслугах. Дзяржава бярэ ў заложнікі дзяцей рукамі работнікаў адукацыі. Як жа тут не ўпасці прэстыжу прафесіі! Калі ж гаворка ідзе пра рэцыдывістаў і хранічных алкаголікаў, то імі павінны займацца праваахоўныя органы. Гэта проста бессаромна - перакладваць міліцэйскія функцыі на безабаронных людзей».

У канцы ліста праваабаронца заклікае прафсаюз дамагацца вызвалення настаўніках ад такіх абавязкаў.

«Большасць педагогаў - людзі сумленныя і культурныя. Яны адчуваюць дыскамфорт, калі начальства патрабуе ад іх заглядаць у чужыя лядоўні і аказваць ціск на бацькоў вучняў. Чыноўнікі ж, відаць, не бачаць тут праблемы, бо адарваліся ад народа. Хочацца верыць, што прафсаюзныя работнікі яшчэ не цалкам адарваліся», - пракаментавала праваабаронца.

Апошнія навіны

Партнёрства

Сяброўства