Каардынацыйная Рада грамадскіх арганізацый і палітычных партый Магілёўшчыны заклікала падтрымаць Аляксандра Лукашэнку

2015 2015-10-01T11:51:44+0300 2015-10-01T11:51:44+0300 be http://spring96.org/files/images/sources/lukashenka-fpb.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Са словаў магілёўскага праваабаронцы Барыса Бухеля, гэта першы выпадак яўнай агітацыі ў мясцовых СМІ ў падтрымку Аляксандра Лукашэнкі, калі не браць пад увагу публікацыі з выбарчымі праграмамі кандыдатаў.

Заклік каардынацыйнай Рады грамадскіх арганізацый і палітычных партый з’явіўся на старонках газеты “Магілёўскія ведамасці” у нумары за 29 верасня. Як вынікае з публікацыі, ён быў прыняты на агульным пасяджэнні 24 верасня.

У звароце гаворыцца: “..выканаць свой грамадзянскі доўг і, кіруючыся павяленнем сэрца і пачуццём асабістай адказнасці за лёс нашай Радзімы, абраць дастойнага чалавека на пасаду Прэзідэнта Рэспублікі Беларусь, якога ведае беларускі народ, які сваім адданым служэннем Беларусі заслужыў аўтарытэт і давер насельніцтва краіны”.

Акрамя таго, у заяве гаворыцца пра тое, што грамадскія арганізацыі і палітычныя партыі Магілёўшчыны падтрымліваюць прапанаваны кіраўніком дзяржавы палітычны і сацыяльна-эканамічны курс развіцця краіны.   

Трэба адзначыць, што ў спіс так званай Каардынацыйнай Рады грамадскіх і палітычных арганізацый вобласці ўваходзяць выключна лаяльныя да ўлады грамадскія арганізацыі і палітычныя партыі, таму з’яўленне такой заявы ў часы агітацыйнай кампаніі з’яўляецца лагічным.

Адметна тое, што газета не прыводзіць спіс гэтых арганізацый і партый. 

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international