Баранавічы: пікет у падтрымку Таццяна Караткевіч і супраць расійскіх вайсковых баз скончыўся затрыманнем футбольных фанатаў

2015 2015-09-28T12:40:43+0300 2015-09-28T12:40:43+0300 be http://spring96.org/files/images/sources/baran-piket-agit-gryk-1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

У Баранавічах грамадскі актывіст Рыгор Грык 27 верасня зладзіў пікет у падтрымку кандыдата ў прэзідэнты Таццяны Караткевіч, супраць расійскіх вайсковых баз і за сацыяльныя правы людзей. Пікет праходзіў у маладым парку пад бел-чырвона-белым, украінскім і сцягам прафсаюзу РЭП. Падчас пікету Рыгор Грык зладзіў перформанс – апрануў арыштанцкае адзенне ды закавау рукі ў ланцуг. Дзіўна апрануты грамадскі актывіст у маладым парку прыцягваў увагу мінакоў: нехта весела здзіўляўся, іншыя скардзіліся, а некаторыя рабілі з ім сэлфі. Таксама Грык раздаваў беларускамоўную газету “Новы час” і ўлёткі, і людзі даволі ахвотна бралі іх.

Напачатку акцыі да Грыка падыходзіў міліцыянер, але сышоў пасля тлумачэнняў, што пікет адбываецца ў межах перадвыбарчай агітацыі ў падтрымку Таццяны Караткевіч.

Праз гадзіну акцыі да пікету Рыгора Грыка нечакана падышлі каля 30 футбольных фанатаў, якія прыехалі на матч паміж мясцовым клубам «Баранавічы» і футбалістамі з горада Бяроза. Маладзёны з цікаўнасцю разглядалі плакаты і распытвалі нешматлікіх ўдзельнікаў і мінакоў пра мерапрыемства. Але адразу да іх пад’ехаў аўтазак, і міліцыяннеры пагрузілі фанатаў у машыну без супраціву і павезлі іх, як высветлілася пазней, у гарадскі аддзел унутраных спраў. Рыгор Грык спрабаваў выказваць прэтэнзіі супрацоўнікам праваахоўных органаў, каб не забіралі хлапцоў, але безвынікова.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international