Баранавічы: выбары незаўважныя

2015 2015-09-23T21:20:27+0300 2015-09-23T21:20:27+0300 be http://spring96.org/files/images/sources/baran-infarm-stend2015.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

У Баранавічах выбарчая кампанія праходзіць вельмі ціха і амаль незаўважаная. У цэнтры і мікрараёнах горада зусім няма абвестак пра сустрэчы кандадытаў у прэзідэнты ці іх давераных асоб з выбаршчыкамі. Пераважна на вокнах адміністрацыйных будынкаў, крам, у памяшканнях навучальных устаноў, у файе прадпрыемстваў, як і раней, размешчаны толькі інфармацыйныя плакаты “Выбары-2015”.

– Я паведаміў у гарадскую тэрытарыяльную выбарчую камісію, што буду арганізоўваць пікеты з 23 па 27 верасня ў маладам парку горада. Але пакуль мы не атрымалі друкаванай і інфармацыйнай прадукцыю нашага кандыдата, таму і не праводзім пікетаў, – паведаміў Мікалай Чарнавус – прадстаўнік выбарчага штабу Таццяны Караткевіч у Баранавічах.

Афіцыйная газета Баранавіцкага гарвыканкама і райвыканкама “Наш край” надрукавала 23 верасня невялікі артыкул “Для выбаршчыкаў”, у якім паведамляецца пра сустрэчу даверанай асобы кандыдата ў прэзідэнты Аляксандра Лукашэнкі Таццяны Якубовіч з вабаршчыкамі ў зале ЖЭСа № 3 (вуліца Камуністычная, д.7а). За перыяд агітацыі ў Баранавічах гэта пакуль толькі адна сустрэча з выбаршчыкамі.

Якой-небудзь іншай інфармацыі пра перадвыбарчыя мерапрыемствы іншых кандыдатаў у прэзідэнты ў Баранавічах пакуль не было.

Фота: На інфармацыйных стэндах у самых масавых гарадскіх месцах пакуль няма аніякай агітацыйнай прадукцыі.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international