viasna on patreon

Вадзіма Саранчукова аштрафавалі завочна амаль год таму і без паведамлення

2015 2015-09-22T16:25:59+0300 2015-09-22T16:25:59+0300 be https://spring96.org/files/images/sources/saranchukou.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Старшыня Гродзенскай гарадской арганізацыі Партыі БНФ Вадзім Саранчукоў

Старшыня Гродзенскай гарадской арганізацыі Партыі БНФ Вадзім Саранчукоў

   Гродзенскі актывіст Вадзім Саранчукоў быў надзвычай здзіўлены дасланай яму позвай з аддзелу прымусовага выканання Кастрычніцкага раёну Гродна. Калі Саранчукоў патэлефанаваў праз пазначаны ў позве нумар, то з яшчэ большым здзіўленнем даведаўся, што амаль год таму ён быў аштрафаваны судом Свіслацкага раёну на 2 мільёны 250 тысяч рублёў (15 базавых велічынь).

   Размова ідзе пра традыцыйную акцыю памяці паўстанцаў 1863 года, якая штогод праходзіць у раённым цэнтры Свіслач і мясцовасці Якушоўка. За прысутнасць на Дні памяці ў 2014-ым годзе пастановамі судоў розных гарадоў краіны – Свіслачы, Гродна, Кобрына, Ваўкавыску, Ліды і Шклова былі аштрафаваныя ажно 14 чалавек. Агульная сума штрафаў – ажно 255 базавых велічыняў, што разам склала 38 мільёнаў 250 тысяч рублёў.

   Адміністрацыйныя справы некалькіх чалавек былі закрытыя ў звязку са сканчэннем тэрміну даўніны. Зараз высветлілася, што ў дачыненні да Вадзіма Саранчукова гэта не так. Саранчукоў сапраўды быў азнаёмлены ў мінулым годзе са складзеным на яго адміністрацыйным пратаколам. Аднак міліцыя не ўзяла пры тым у яго працэсуальна патрэбныя пісьмовыя тлумачэнні, такім чынам матэрыялы справы былі накіраваны на дапрацоўку. І больш Саранчукову ніхто нічога не паведамляў. Зараз жа стала вядома, што фактычна завочна яго аштрафавалі і пазбавілі законнага права на абскарджанне пастановы суду.

Апошнія навіны

Партнёрства

Сяброўства