Таццяна Караткевіч сустрэлася з выбаршчыкамі ў Пінску, Мікашэвічах і Лунінцы (фота)

2015 2015-09-21T22:51:00+0300 2015-09-22T09:55:19+0300 be http://spring96.org/files/images/sources/luninec-karat-agit-1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

20 верасня кандыдат у прэзідэнты Таццяна Караткевіч сустрэлася з выбаршчыкамі Пінска, Мікашэвіч і Лунінца. Людзі зацікавіліся асобай кандыдаткі-жанчыны: у Пінску, напрыклад, на сустрэчу прыйшло больш за 150 чалавек, у Мікашэвічах каля 90, у Лунінцы каля 100 чалавек.

Сустрэча ў Пінску была азмрочана тым, што кіраўніцтва ГДК не падрыхтавала залу да сустрэчу -- не была ўстаноўлена апаратура, хаця кіраўніцтва ўстановы ведала, што ў 16.00 адбудзецца сустрэча Караткевіч з выбаршчыкамі. Людзі і сама кандыдат вымушаны былі чакаць, пакуль запрацуе мікрафон.

На сустрэчах з Таццянай Караткевіч ва ўсіх пералічаных гарадах прысутнічалі грамадзяне рознага ўзросту, прыбытку, і ўсе яны задавалі шмат праблемных пытанняў: пра ільготы пенсіянерам, нізкія заробкі, адсутнасць рабочых месцаў, абавязкова пра недарэчны падатак на дармаедаў. Іх цікавіла, якія рэальныя механізмы бачыць Караткевіч для вырашэння гэтых праблем.

Каманда Таццяны Караткевіч спадзяецца, што яшчэ ў межах агітацыйнай кампаніі сама кандыдатка альбо давераныя асобы наведаюць і іншыя гарады вобласці, бо “жывыя” сустрэчы з выбаршчыкам даюць у разы большы плён, чым распаўсюд інфармацыйнай прадукцыі.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international