Баранавічы: праваабаронца падаў скаргу на датэрміновую агітацыю за дзеючага прэзідэнта

2015 2015-09-06T23:58:30+0300 2015-09-06T23:58:30+0300 be http://spring96.org/files/images/sources/lukash-.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Праваабаронца Сяргей Гоўша 5 верасня накіраваў скаргу ў Цэнтральную выбарчую камісію, у якой указвае, што яшчэ не зарэгістраваны кандыдаы ў прэзідэнты, а ў Баранавічах ужо пачалася агітацыя за дзеючага прэзідэнта. Праваабаронца адзначае, што ў афіцыйнай газеце Баранавіцкага гарвыканкама “Наш край” № 65 ад 2 верасня 2015 года змешчана інфармацыя аб пачатку грамадска-культурніцкай акцыі “Мы – разам”, якую распачало беларускае тэлебачанне. У сваім артыкуле “Беларусь, якую мы выбіраем” гарадская газета паведамляе пра канцэрт папулярных беларускіі артыстаў, якія выступілі перад жыхарамі і гасцямі горада.

Сяргей Гоўша звяртае ўвагу ЦВК, што намеснік старшыні аблвыканкама Мікалай Токар, вітаючы артыстаў і гледачоў перад канцэртам, назваў цяперашнюю палітыку Аляксандра Лукашэнкі сацыяльна-эканамічнай творчасцю і асабліва падкрэсліў, што сёння краіна знаходзіцца напярэдадні важнейшай сацыяльна-палітычнай падзеі – выбараў прэзідэнта Беларусі. У сваім выступленні чыноўнік выказаў упэўненасць, што жыхары Брэстчыны аддадуць свой голас за захаванне самых галоўных каштоўнасцяў: міра, стабільнасці і незалежнасці. Праваабаронца Сяргей Гоўша лічыць, што гэта непрыкрытая агітацыя за дзеючага прэзідэнта, якая распачалася датэрмінова. Грамадскі актывіст просіць Цэнтральную выбарчую камісію прыняць меры да парушальнікаў закона.

“Праваабаронцы за свабодня выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international