Назіральнік: дзейнасці ініцыятыўных груп Гайдукевіча і Улаховіча ў Мазыры не было заўважана, але подпісы за іх здадзеныя

2015 2015-08-26T12:21:08+0300 2015-08-26T12:21:08+0300 be http://spring96.org/files/images/sources/podpisy-zbor.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Выбарчая кампанія-2015 пакідае шмат пытанняў. Напрыклад, у Гомелі збіраліся подпісы за Сяргея Калякіна, Анатоля Лябедзьку, Таццяну Караткевіч і Аляксандра Лукашэнку. Штодзень стаялі пікеты пад рознымі сцягамі ў людных месцах – на праспекце Леніна, каля ўнівермага «Гомель», Давыдаўскага рынка, гіпермаркета «Гіпа». А па выніку выявілася, што найбольш (пасля дзеючага прэзідэнта, канечне) подпісаў у Гомельскай вобласці назбіралі ініцыятыўныя групы Мікалая Улаховіча і Сяргея Гайдукевіча, якіх назіральнікі і СМІ не бачылі і не чулі. Так, па афіцыйнай інфармацыі, за Улаховіча ў камісіі паступілі больш за 10 тысяч подпісаў, за Гайдукевіча – больш за 16 тысяч. Больш таго – старшыня Гомельскай абласной выбарчай камісіі Мікалай Стош 25 жніўня выступаў перад мясцовымі журналістамі і сцвярджаў, што ініцыятыўныя групы Лукашэнкі і Улаховіча збіралі подпісы ва ўсіх раёнах вобласці.

У Мазыры, па сведчанні назіральніка Уладзіміра Целяпуна, дзейнасці ініцыятыўных груп Сяргея Гайдукевіча і Мікалая Улаховіча не было заўважана. Але подпісы ў раённую камісію здадзеныя. Гэта высветлілася 25 жніўня на паседжанні Мазырскай раённай выбарачнай камісіі па праверцы подпісаў.

Старшыня камісіі Ігар Баранаў паведаміў, што паступілі подпісы ад ініцыятыўных груп трох прэтэндэнтаў – Лукашэнкі (больш за 22 тысячы подпісаў), Гайдукевіча (1 769 подпісаў) і Улаховіча (348 подпісаў).

За Лукашэнку адабраны для праверкі 5594 подпісы, за Гайдукевіча – 426 подпісаў, за Улаховіча – 86 подпісаў. Подпісы за Гайдукевіча будуць правяраць старшыня раённай выбарчай камісіі Ігар Баранаў і намеснік старшыні камісіі Вераніка Байкова. За Улаховіча – член камісіі Чыгер, начальнік Мазырскага РОЧС. За Лукашэнку – усе астатнія члены камісіі.

На заяву назіральніка Уладзіміра Целяпуна прадставіць магчымасць праглядзець подпісы і даць магчымасць прысутнічаць пры працэдуры праверкі подпісаў выбаршчыкаў Вераніка Байкова адказала, што адказ на заяву дасланы па пошце.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international