viasna on patreon

Сям’я Дубаносавых засталася без сродкаў для існавання

2015 2015-08-19T14:36:59+0300 2015-08-19T14:36:59+0300 be https://spring96.org/files/images/sources/dubanosau-granit.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Леанід Дубаносаў.

Леанід Дубаносаў.

Днямі была звольнена з працы жонка актывіста кампаніі “Гавары праўду”, сябра Беларускай сацыял-дэмакратычнай партыі (Грамада) Леаніда Дубаносава -- Алена. Яна працавала загадчыцай прыватнай крамы “Мінская”. За час працы ніякіх прэтэнзій не было, жанчына сышла ў адпачынак і калі вярнулася, у першы дзень пачула: мы ў вашых паслугах не маем патрэбы. Чаму, гаспадар патлумачыць не змог, толькі ў вуснай форме паабяцаў выплаціць сярэдні заробак за 3 месяцы.

Праца Алены была адзіным сродкам для існавання сям’і звольненага гранітаўца. У сям’і двое дзяцей, якіх трэба адпраўляць у школу. На Алене вісіць доўг па выплаце нібы растраты з мінулага месца працы. Судовая справа па мінулым месцы працы была таксама больш чым дзіўнай. Яна ўзнікла адразу пасля ўдзелу яе мужа ў выбарчай кампаніі ў якасці кандыдата ў дэпутаты гарадскога савета. Калі спачатку жанчыну апраўдваюць па ўсіх пунктах абвінавачвання, то пазней абвінавачванне вяртаецца.

Дубаносавы ўпэўнены, што такая сітуацыя з іх сям’ёй узнікла толькі пасля адмовы Леаніда выйсці з незалежнай прафсаюзнай суполкі на прадпрыемстве “Граніт”. Пасля чаго ён быў звольнены і не змог нідзе ўладкавацца на працы ў межах раёна. Леанід пачаў актыўна ўдзельнічаць у грамадскім і палітычным жыцці. Публічна агучыў факты карупцыі ў горадзе і на “Граніце”, стаў сябрам ініцыятыўнай групы Таццяны Караткевіч і збірае за яе подпісы.

Апошнія навіны

Партнёрства

Сяброўства