Таццяна Караткевіч – у Бабруйску (фота)

2015 2015-08-12T12:51:16+0300 2015-08-12T13:55:15+0300 be http://spring96.org/files/images/sources/babr-zbor-karatk-1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Ініцыятыўныя групы ў Бабруйску працягваюць ладзіць вулічныя пікеты па зборы подпісаў. Некаторыя з іх наведваюць прэтэндэнты на прэзідэнцтва. На мінулым тыдні ў Бабруйск прыязджаў Анатоль Лябедзька, а 11 жніўня з выбаршчыкамі сустрэлася Таццяна Караткевіч.

Нагадаем, сустрэчу з Лябедзькам наведалі ідэолагі, сустрэча з Караткевіч абыйшлася без прысутнасці мясцовых чыноўнікаў.

У Бабруйску Таццяна Караткевіч наведала цэнтральны рынак, дзе сустрэлася з прадпрымальнікамі. Яны скардзіліся прэтэндэнтцы на дрэнныя ўмовы працы, цікавіліся, што б яна зрабіла для дробнага бізнэсу, калі б прыйшла да ўлады. Некаторыя падыходзілі, каб проста павітацца і сфатаграфавацца з госцяй, выказвалі словы падтрымкі.

-Прадпрымальнікаў магло б прыйсці і больш на сустрэчу, але людзі баяцца, - кажа Алена Мядзведзева, мясцовы кіраўнік штаба Караткевіч. - А вось сустрэча на рагу Мінскай і Кастрычніцкай, каля лазні, пакінула самыя лепшыя ўражанні. Было шмат моладзі, людзі падыходзілі і ахвотна падпісваліся. Усё прайшло ў прыязнай і цёплай атмасферы. Пасля мы паехалі на вуліцу Ульянаўскую, каб сустрэцца з жыхарамі інтэрнату, якім дапамагалі вырашыць праблему з асвятленнем. Але не ўсе жыхары выйшлі, некаторыя ўбачылі сцягі нашай кампаніі і пабяліся размаўляць з Караткевіч.

Алена Мядзведзева кажа, што ў асноўным бабруйчане ўспрымаюць асобу Таццяны Караткевіч прыязна. Таксама яна адзначае, што сярод выбаршчыкаў стала меньш тых, якія не могуць вызначыцца.

-Раней такіх было болей. Зараз людзі ў асноўным канкрэтна кажуць, "за" ці "супраць" яны незалежных кандыдатаў. Засталіся, канешне, і абыякавыя, але іх меньш. Ёсць і такія, хто не лянуецца прыехаць у Бабруйск нават з бліжэйшых вёсак і гарадоў, каб падпісацца за Таццяну. Нядаўна быў выпадак, цэлая сям'я з Клічава прыехала падпісацца, бо ў іх у горадзе няма ініцыятыўнай групы Караткевіч, - распавядае Алена Мядзведзева.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international