У Клімавічах збіраюць подпісы за трох прэтэндэнтаў у кандыдаты

2015 2015-08-07T13:46:24+0300 2015-08-07T13:46:24+0300 be http://spring96.org/files/images/sources/klimavichy-zbor-nadamu.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

На ўсходзе Беларусі ў горадзе Клімавічы пакуль заўважана дзейнасць прадстаўнікоў ініцыятыўных груп толькі трох з васьмі прэтэндэнтаў у прэзідэнты Рэспублікі Беларусь.

Ад самага пачатку актыўна ўключыліся ў працу па збору подпісаў чальцы ініцыятыўнай групы па вылучэнні кандыдатам у прэзідэнты дзеючага кіраўніка краіны Аляксандра Лукашэнкі. Прыхільнікі Аляксандра Рыгоравіча збіраюць подпісы шляхам абыходу кватэр грамадзян. Акрамя гэтага, прадстаўнікі “Белай Русі” і праўладных прафсаюзаў ладзяць пікеты па збору подпісаў за свайго прэтэндэнта на цэнтральным рынку горада. Пра сбор подпісаў у падтрымку вылучэння Аляксандра Рыгоравіча напісала і мясцовая раёнка “Родная ніва”, якая адзначыла, что з жадаючых падпісацца за дзеючага кіраўніка краіны падчас пікетавання калі-нікалі нават утваралася невялікая чарга, і на пікеце 25 ліпеня было сабрана аж каля трыццаці подпісаў. Пакуль толькі прыхільнікі вылучэння Аляксандра Лукашэнкі ладзілі свае пікеты па збору подпісаў у Клімавічах.

Па інфармацыі журналістаў незалежнай газеты “Вольны горад”, пабывалі ў Клімавічах і зборшчыкі подпісаў у падтрымку вылучэння кандыдатам у прэзідэнты эканаміста Віктара Цярэшчанкі, якія збіралі подпісы шляхам абыходу кватэр грамадзян.

Актыўна працуе ў Клімавічах і ініцыятыўная група па збору подпісаў па вылучэнні Таццяны Караткевіч. Чальцы гэтай групы таксама засяродзіліся на зборы подпісаў грамадзян шляхам абыходу кватэр і дамоў мясцовых жыхароў. Сябар ініцыятыўнай групы Аляксандар Балобін адзначае, што хаця цікавасць людзей да гэтай выбарчай кампаніі даволі нізкая, тым не менш, падпісваюцца грамадзяне ў падтрымку вылучэння Таццяны Караткевіч дастаткова добра. Згодна дадзеных чальцоў ініцыятыўнай групы, за вылучэнне Таццяны Караткевіч ў Клімавіцкім раёне яны сабралі ўжо больш за 500 подпісаў.

Аб дзейнасці прадстаўнікоў іншых прэтэндэнтаў у кандыдаты ў Клімавіцкім раёне пакуль ніякай інфармацыі няма.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international