Human Rights Watch: Спыніце здзек над Лэйлай і Арыфам Юнус!

2015 2015-08-06T11:38:42+0300 2015-08-06T12:08:36+0300 be http://spring96.org/files/images/sources/human-rights-watch.gif Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Азербайджанскія ўлады павінны неадкладна вызваліць і спыніць пераслед Лэйлы і Арыфа Юнус, пажылых праваабаронцаў, якія знаходзяцца зараз у цяжкім стане, заявіла 6 жніўня міжнародная праваабарончая арганізацыя Human Rights Watch (HRW).

3 жніўня артэрыяльны ціск у Арыфа Юнуса рэзка падскочыў і ён страціў прытомнасць ў зале суду. Падчас слуханняў 4 і 5 жніўня яго стан быў не лепшы.

“Арышт і пераслед Лэйлы і Арыфа Юнус сталі пародыяй на правасуддзе, а падобны судовы працэс, улічваючы іх слабое здароўе, выклікае толькі пагарду”, - сказаў Х'ю Уільямсан, дырэктар Human Rights Watch па Еўропе і Цэнтральнай Азіі.

“Пажылы чалавек, які настолькі хворы, што не можа нават сядзець, толькі пацвярджае меркаванне, што гэта фарс і палітычна паказальны працэс”, - сказаў ён.

Эльчын Гамбар, адвакат Лэйлы Юнус, паведаміў HRW, што лекары рабілі ўколы Арыфу Юнус да і падчас слуханняў 4 і 5 жніўня, але ён з цяжкасцю мог сядзець і вялікую частку часу ляжаў на каленях сваёй жонкі ў шкляной клетцы для падсудных.

Падчас папярэдняга слуханні 15 ліпеня, Лэйла Юнус паведаміла журналістам, што ў яе мужа з'явілася пухліна на патыліцы, якая не была дыягнаставана. За апошнія 18 месяцаў Арыф Юнус перанёс два гіпертанічныя крызы і ў яго дыягнаставана сардэчная недастатковасць.

Суд, які пачаўся 27 ліпеня, ужо на завяршальнай стадыі, з заключнай заявай абвінавачванне выступіць 6 жніўня. Абарона папрасіла 10 дзён для падрыхтоўкі.

Улады закрылі доступ у суд усім незалежным журналістам і назіральнікам. Толькі некалькі дыпламатаў былі дапушчаныя да маніторынгу.

Арышт і суд над мужам і жонкай стаў часткай жорсткай кампаніі арыштаў, турэмнага зняволення і запалохванне праваабаронцаў, незалежных журналістаў, блогераў і апазіцыйных актывістаў.

“Лэйла і Арыф Юнус маюць патрэбу ў медыцынскай дапамозе, а не ў турме. Міжнародныя партнёры Азербайджана павінны катэгарычна і аднагалосна асудзіць гэты здзек над правасуддзем”, - сказаў Х'ю Уільямсан.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international