Алесь Бяляцкі не бачыць відавочных падстаў для скарачэння санкцыйнага спісу Еўразвязу

2015 2015-08-03T15:08:07+0300 2015-08-03T15:10:54+0300 be http://spring96.org/files/images/sources/ales_bialiackicsiarhei_gryc.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Праваабаронца Алесь Бяляцкі. Фота: Сяргей Грыц

Праваабаронца Алесь Бяляцкі. Фота: Сяргей Грыц

Сёння стала вядома, што Рада Еўрапейскага звязу сваім рашэннем ад 31 ліпеня зняла санкцыі з 24 беларускіх чыноўнікаў, датычных да рэпрэсій і пераследу прадстаўнікоў грамадзянскай супольнасці.  

Са спісу выкрасленыя прадстаўнікі адміністрацыі прэзідэнта, сілавых міністэрстваў, кіраўнікі навучальных устаноў, суддзі: Сяргей Абламейка, Тамара Алпеева, Алена Ананіч, Мікалай Балаўнеў, Андрэй Бараноўскі, Міхаіл Батура, Алена Чарняк, Жанна Дубініна /Роўда, Вольга Гусакова, Наталля Кузняцова, Алена Лапцева, Леанід Мальцаў, Наталля Меркуль, Генадзь Нявыглас, Генадзь Падгайскі, Уладзімір Палуян, Наталля Пяткевіч, Яўген Полудзень, Юрый Пракопаў, Анатоль Рубінаў, Лідзія Цяліца, Натальля Варэнік, Аляксей Васільеў, Валянціна Зянкевіч.

Каментуючы рашэнне Еўразвязу Старшыня Праваабарончага цэнтру “Вясна” Алесь Бяляцкі адзначыў, што не бачыць ніякіх відавочных падстаў для скарачэння санкцыйнага спісу Еўразвязу:

“Мяркую, што санкцыі супраць пэўных чыноўнікаў павінны захоўвацца, пакуль не будуць вырашаныя пытанні з парушэннямі правоў чалавека ў Беларусі, за якія яны патрапілі ў чорны спісы. А гэта ў першую чаргу – падзеі 2010 года: жорсткі разгон дэманстрацыі ў Мінску, арышты і наступныя рэпрэсіі ў дачыненні да многіх грамадзян”.

У цяперашні час у спіс уключаны каля 200 беларускіх чыноўнікаў. Папярэдні раз чорны спіс ЕС скарачаўся 31 кастрычніка 2014 года:  тады з яго таксама былі выключаныя 24 асобы і сем кампаній.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international