Ініцыятыўная група Калякіна ў Баранавічах больш подпісаў збірае па месцы знаходжання выбаршчыкаў

2015 2015-08-02T15:47:54+0300 2015-08-02T15:48:26+0300 be http://spring96.org/files/images/sources/baranav-zbor-kaliakin.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

У нядзелю, 2 жніўня, у Баранавічах праходзіць пікет ініцыятыўнай групы ў падтрымку вылучэння кандыдатам у прэзідэнты Сяргея Калякіна. Пікеты ініцыятыўных груп іншых прэтэндэнтаў на пост кіраўніка дзяржавы не заўважаны як у цэнтры горада, так і ў мікрараёнах.

Пікет па збору подпісаў за Сяргея Калякіна знаходзіўся каля цэнтральнага кааператыўнага кірмаша горада, дзе ў выходныя дні заўсёды вельмі шмат патэнцыйных падпісантаў.

– Сёння вельмі цёплы і сонечны дзень, таму на мясцовым кааператыўным рынку шпацыруе шмат людзей. На тэрыторыі рынка нам забаранілі праводзіць пікет па збору подпісаў за Сяргея Калякіна, таму мы цяпер стаім па-за яго тэрыторыяй. На пікеце мы збіраем подпісаў пакуль няшмат, але многія выбаршчыкі спыняюцца і чытаюць нашыя інфармацыйныя матэрыялы. Значна больш подпісаў сябры і прыхільнікі партыі “Справядлівы свет” збіраюць па месцы жыхарства людзей, дзе ў чалавека заўсёды ёсць пашпарт і магчымасць спакойна паразмаўляць, – паведаміў старшыня Баранавіцкай філіі партыі левых “Справядлівы свет” Чэслаў Гузоўскі.

Фота: пікет ініцыятыўнай группы ў падтрымку вылучэння кандыдатам у прэзідэнты Сяргея Калякіна каля Баранавіцкага кааператыўнага рынка

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international