На інтэрнэт-сайтах райвыканкамаў Магілёўскай вобласці – інфармацыя пра пікеты ў падтрымку толькі аднаго прэтэндэнта

2015 2015-08-01T14:27:10+0300 2015-08-01T14:30:16+0300 be http://spring96.org/files/images/sources/lukash-.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

На шэрагу інтэрнэт-сайтаў райвыканкамаў Магілёўскай вобласці з’явіліся артыкулы пра праводзімыя ў рэгіёнах пікеты па збору подпісаў за вылучэнне кандыдатаў у прэзідэнты Рэспублікі Беларусь. Паказальна, што ўсе інфармацыйныя матэрыялы прысвечаны толькі пікетам па збору подпісаў за вылучэнне кандыдатам у прэзідэнты дзеючага кіраўніка краіны Аляксандра Лукашэнкі і змяшчаюць фотаздымкі, дзе збор подпісаў у падтрымку гэтага прэтэндэнта ажыццяўляюць актывісты “Белай Русі”, дзяржаўных прафсаюзаў і БРСМ.

У прыватнасці, адпаведныя інфармацыйныя матэрыялы з’явіліся на інтэрнэт-сайтах Бялыніцкага, Бабруйскага, Глускага, Клімавіцкага, Клічаўскага, Асіповіцкага, Чэрыкаўскага, Магілёўскага і Краснапольскага райвыканкамаў. Многія з матэрыялаў утрымліваюць станоўчую ацэнку працы дзеючага кіраўніка краіны, распавядаючы пра тое, як актыўна жыхары рэгіёна падтрымліваюць умелага кіраўніка, які забяспечыў мір, стабільнасць і квітненне ў Беларусі.

Інфармацыю пра арганізуемыя пікеты па збору подпісаў у падтрымку іншых прэтэндэнтаў у кандыдаты на райвыканкамаўскіх сайтах Магілёўскай вобласці няма, хоць у некаторых рэгіёнах Магілёўшчыны яны рэгулярна праводзяцца.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international