Аляксандра Васілевіч патрабуе ад Мікалая Лазавіка прабачэнняў

2015 2015-07-29T10:43:13+0300 2015-07-29T10:43:13+0300 be http://spring96.org/files/images/sources/vasilevich_sasha.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Аляксандра Васілевіч

Аляксандра Васілевіч

   Старшыня Гродзенскай абласной арганізацыі АГП Аляксандра Васілевіч накіравала ў ЦВК Беларусі скаргу. Падставай для яе напісання стаў выступ сакратара ЦВК Мікалая Лазавіка ў праграме “Контуры”, якая транслявалася 26 ліпеня ў вячэрні эфірны час па беларускім тэлебачанні. М.Лазавік сказаў, што ў Гродзенскай вобласці з трох прадстаўнікоў апазіцыі, чые кандыдатуры былі прапанаваныя ў Гродзенскую абласную камісію, усе мелі судзімасці і таму не былі ўключаны ў склад ТВК.

   Аляксандра Васілевіч у скарзе піша, што адміністрацыйныя правапарушэнні паводле заканадаўства (артыкул 45 Крымінальнага кодэксу Рэспублікі Беларусь) не выклікаюць такіх паняццяў як судзімасць, што прымяняецца ў крымінальным працэсе.

   Да ўсяго ў працэсе паседжання прэзідыума Гродзенскага абласнога Савету дэпутатаў і Гродзенскага аблвыканкаму называліся зусім іншыя прычыны неўключэння прадстаўнікоў дэмакратычных партый у склад камісій, а менавіта -- брак досведу працы ў складзе выбарчых камісій і таму падобнае.

   Паколькі Аляксандра Васілевіч вылучалася ў склад ТВК і яна не мае судзімасці, то прадстаўніца АГП лічыць сябе абражанай, прапануе Мікалаю Лазавіку прынесці прабачэнні і не дапускаць надалей выказванняў, якія не адпавядаюць сапраўднасці, наносяць шкоду гонару і годнасці як асобы, так усяму іміджу Аб’яднанай грамадзянскай партыі і ўсёй ЦВК, сакратар якой фактычна публічна дэманструе сваё няведанне заканадаўства Рэспублікі Беларусь.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international