Мінск: з прэтэндэнтамі ў прэзідэнты знаёмяцца, вітаюцца і фатаграфуюцца (фота)

2015 2015-07-23T23:50:00+0300 2015-07-24T09:01:46+0300 be http://spring96.org/files/images/sources/minsk-zbor-ciareshchanka-1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Пікеты па зборы подпісаў за прэтэндэнтаў у прэзідэнты Таццяну Караткевіч, Анатоля Лябедзьку, Віктара Цярэшчанку і Аляксандра Лукашэнку кампактна размясціліся ў першы дзень збору подпісаў у Мінску каля сталічнага ГУМа і універсама “Цэнтральны” . На пікеты прыйшлі і самі першыя тры прэтэндэнты ў кандыдаты.

Як адзначаюць члены ініцыятыўных груп, пікеты праходзяць нармальна, людзі цікавяцца, актыўна падпісваюцца, знаёмяцца з кандыдатамі, вядуць з імі доўгія размовы і нават фатаграфуюцца разам.

Самі прэтэндэнты на прэзідэнцтва таксама праяўлялі актыўнасць, віталі грамадзян, запрашалі да сваіх стэндаў, а таксама заходзілі ў “госці да суседзяў”.

Сябры групы Анатоля Лябедзька заўважылі, што “Людзі настроены пазітыўна, шмат хто пазнае Анатоля, подпісы збіраюцца ў нармальным тэмпе. Цікава, што першым падпісаўшымся ў нас сёння быў грамадзянін з прозвішчам Пазняк”.

Таццяна Караткевіч распавяла, што лічыць сваім абавязкам быць побач з камандай на ўсіх этапах выбараў, збіраецца актыўна ездзіць і па рэгіёнах, каб прыстунічаць на пікетах па ўсёй Беларусі.

– Я новы чалавек, таму мне трэба павялічваць сваю пазнавальнасць, – кажа яна. – Да таго ж, значна лягчэй збіраць подпісы, калі я тут, бо я адразу магу адказаць на пытанні. Гэта стварае адпаведны настрой падчас пікету. Некаторыя падыходзілі проста знаёміцца, цікавіліся маёй працай, хтосьці высвятляў, ці буду я тут заўтра. Сярод падпісаўшыхся былі і не мінчане – людзі са Светалгорску, з Віцебскай вобласці, Вілейскага раёна.

Дзве каманды Таццяны Караткевіч у першы ж дзень збору подпісаў пойдуць і па кватэрах. Сама прэтэндэнтка лічыць гэты спосаб збору подпісаў больш надзейным, бо ён дазваляе атрымаць больш якасныя подпісы.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international