У Салігорску пакуль толькі за Анатоля Лябедзьку збіраюць подпісы ў пікеце (фота)

2015 2015-07-23T17:41:40+0300 2015-07-23T17:41:40+0300 be http://spring96.org/files/images/sources/saligorsk-zbor-liabedzka-1.gif Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Сур’ёзнай актыўнасці прэтэндэнтаў на пасаду прэзідэнта краіны ў беларускай сталіцы шахцёраў пакуль не назіраецца. 23 ліпеня толькі ініцыятыўная група па зборы подпісаў у падтрымку Анатоля Лябедзькі выставіла пікет каля рынку “Кастрычніцкі”. Іншыя прэтэндэнты на прзідэнцкую пасаду і іх каманды пакуль аніякай публічнай актыўнасці ў сталіцы шахцёраў не праяўлялі.

Анатоль Лябедзька дзень таму, 21 ліпеня, сам наведаў Салігорск і сустрэўся з жыхарамі гораду на рынку “Кастрычніцкі”. Прысутны на месцы падзеяў мясцовы праваабаронца з Беларускага Хельсінкскага Камітэту Леанід Мархотка нейкіх брутальных перашкодаў у той дзень з боку ўладаў у правядзенні мерапрыемства не адзначў, але звярнуў увагу на пэўны псіхалагічны ціск на удзельнікаў сустрэчы.

-- Увесь час спадара Лябедзьку і яго каманду пераследваў супрацоўнік у цывільным, які ажыццяўляў аператыўную відэздымку яго сустрэчаў. Сам апазіцыйны прэтэндэнт на пасаду кіраўніка краіны, відавочна, да такой увагі з боку ўладаў ужо звыклы. А вось жахароў гораду гэтакае фільмаванне вельмі бянтэжыла. Уласна, іншых прычын такіх дзеянняў з боку ўлады знайсці насамрэч цяжка. На людзей гэта аказвае сур’ёзны псіхалагічны ціск. Многія салігорцы з-за відэздымкі проста баяліся падыходзіць да прадстаўніка апазіцыі. Гэткі страх патрапіць у поле зроку сілавых ведмастваў у нашых грамадзян існуе яшчэ з савецкіх часаў. І, шчыра кажучы, зусім не беспадстаўна. Безумоўна, ва ўмовах такога кантролю казаць пра сапраўдную свабоду выбарчага працэсу складана, - кажа праваабаронца.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international