Круглянскі райвыканкам адмяніў уласнае рашэнне наконт вызначэння месцаў, забароненых для пікетавання

2015 2015-07-17T14:20:11+0300 2015-07-17T14:20:11+0300 be http://spring96.org/files/images/sources/minsk-kurbak-zbor-2.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

На інтэрнэт-сайце Круглянскага райвыканкама з’явілася новае рашэнне “Аб вызначэнні месцаў, забароненых для правядзення пікетавання з мэтай збору подпісаў выбаршчыкаў па вылучэнню кандыдатаў у прэзідэнты Рэспублікі Беларусь”. Рашэнне Круглянскага райвыканкама №10-32 прынятае 15 ліпеня 2015 г.

Згодна новага рашэння, на тэрыторыі Круглянскага райвыканкама забаронена правядзенне пікетавання з мэтай збору подпісаў выбаршчыкаў з 23 ліпеня па 21 жніўня 2015 г. уключна на тэрыторыі ўстаноў адукацыі, аховы здароўя,культуры, фізічнай культуры і спорта, сацыяльнай абароны насельніцтва, аўтавакзалах (станцыях), а таксама на адлегласці менш за 50 метраў ад будынкаў мясцовых прадстаўнічых, выканаўчых і распарадчых органаў і іх структурных падраздзяленняў, органаў пракуратуры, судоў, тэрыторый арганізацый, забяспечваючых абароназдатнасць,бяспеку дзяржавы і жыццядзейнасці насельніцтва.

Гэтым жа рашэннем прызнаецца страціўшым сілу папярэдняе рашэнне Круглянскага райвыканкама ад 9 ліпеня №10-18 “Аб вызначэнні месцаў у Круглянскім раёне, забароненых для правядзення пікетавання з мэтай збору подпісаў выбаршчыкаў па вылучэнню кандыдатаў у прэзідэнты Рэспублікі Беларусь”.

Новае рашэнне Круглянскага райвыканкама аб вызначэнні месцаў для правядзення пікетавання нашмат больш ліберальнае за папярэдняе, зараз у Круглым сапраўды ёсць незабароненыя людныя месцы, дзе можна арганізаваць збор подрісаў у падтрымку вылучэння кандыдатаў у прэзідэнты. Згодна ж рашэння ад 9 ліпеня, забаранялася ладзіць пікетаванне на адлегласці менш за 50 метраў ад будынкаў Круглянскага райвыканкама, сельскіх выканаўчых камітэтаў, суда, пракуратуры і аддзела ўнутраных спраў Круглянскага РВК. Таксама забаранялася збіраць подпісы на адлегласці менш 50 метраў ад тэрыторый дзіцячых дашкольных устаноў і агульнаадукацыйных устаноў Круглянскага раёна, устаноў аховы здароўя Круглянскага раёна, на адлегласці менш за 50 метраў ад прахадных прадпрыемстваў і арганізацый Круглянскага раёна, на прыпынках грамадскага транспарта, скрыжаваннях, пешаходных пераходах. Фактычна пад забарону для правядзення пікетавання патраплялі ўсе найбольш людныя месцы ў невялікім гарадскім пасёлку.

На інтэрнэт-сайце Праваабарончага цэнтру “Вясна” 12 ліпеня быў размешчаны матэрыял “Круглянскі райвыканкам вызначыў месцы, забароненыя для правядзення пікетавання: пад забарону патрапілі найбольш людныя”, дзе рашэнне Круглянскага райвыканкама падвяргалася абгрунтаванай крытыцы. Зараз рашэнне стала больш ліберальным.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international