Ці мае права грамадзянін на байкот выбараў? (відэа)

2015 2015-07-15T17:11:06+0300 2015-07-15T17:24:49+0300 be http://spring96.org/files/images/sources/bajkot_vybaram.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Cёння на сустрэчы кіраўніцтва Цэнтральнай выбарчай камісіі (ЦВК) і прадстаўнікоў ацэначнай місіі БДІПЧ АБСЕ абмяркоўваўся шэраг пытанняў, у тым ліку і пра забарону агітацыі за байкот выбараў.

Сакратар ЦВК Мікалай Лазавік нагадаў прадстаўнікам місіі, што Беларусь далучылася да Канвецыі аб стандартах дэмакратычных выбараў, правоў і свабод дзяржаваў-удзельніц СНД, і адзначыў:

"У адпаведнасці з гэтай Канвенцыяй байкот забаронены. Прычым гэтая забарона распаўсюджваецца не толькі на выступы кандыдатаў, а на ўсіх грамадзян краіны”.

Аднак, прадстаўнікі кампаніі “Праваабаронцы за свабодныя выбары” звяртаюць увагу, што не зразумела, ці то наўмысна, ці то не, але сакратар ЦВК не цытуе палажэнне п. 8 арт. 9 гэтай Канвецыі. Менавіта гэты пункт датычыцца права грамадзянаў на адмову ад выканання выбарчых працэдураў або выбарчых дзеянняў, байкот і заклікі да байкоту выбараў, а таксама прыцягненне да адказнасці асобаў, якія перашкаджаюць грамадзянам у рэалізацыі такіх правоў.

“Грамадзяне могуць прымаць удзел у выбарах і, такім чынам, рэалізоўваць свае выбарчыя правы. А таксама могуць дабраахвотна адмаўляцца ад рэалізацыі выбарчых працэдураў, заклікаць да байкоту выбараў ці ажыцяўляць байкот выбараў. І гэта цалкам адпавядае палажэнням артыкула 9 Канвенцыі”, - заўважае намеснік старшыні Праваабарончага цэнтру “Вясна” Валянцін Стэфановіч.

Сыходзячы з гэтага, праваабаронцы лічаць, што артыкул 49 Выбарчага кодэксу Рэспублікі Беларусь, які забараняе закліклі да адмовы выбарчых працэдураў і ўводзіць адказнасць за такія заклікі, пярэчыць Канвенцыі аб стандартах дэмакратычных выбараў, што была ратыфікавана Беларуссю.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international