Вярхоўны суд адхіліў касацыйную скаргу абвінавачанага ў забойстве жыхара Рэчыцы

2015 2015-07-14T12:55:05+0300 2015-07-14T13:46:08+0300 be http://spring96.org/files/images/sources/03_rasstrel.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Жыхар Рэчыцы Іваноў Сяргей асуджаны да расстрэлу за жорсткае забойства. Фота БелаПАН.

Жыхар Рэчыцы Іваноў Сяргей асуджаны да расстрэлу за жорсткае забойства. Фота БелаПАН.

14 ліпеня ў Вярхоўным судзе  Беларусі была разгледжаная касацыйная скарга жыхара Рэчыцы Сяргея Іванова. 18 сакавіка 2015 года ён быў прыгавораны Гомельскім абласным судом да выключнай меры пакарання за забойства, здзейсненае з асаблівай жорсткасцю.

Справа разглядалася ў закрытым рэжыме з-за асаблівай жорсткасці гэтага злачынства і некаторымі інтымнымі асаблівасцямі забойства. Сваякі ахвяры на суд не з'явіліся. Былі толькі родныя з боку забойцы.

Пасля вывучэння матэрыялаў справы Калегія Вярхоўнага суда пакінула прысуд суда першай інстанцыі - смяротнае пакаранне - у сіле.

У межах кампаніі “Праваабаронцы супраць смяротнага пакарання”  будзе падрыхтаваная наглядная скарга на рашэнне Вярхоўнага суда. Калі яна не прынясе плёну, у абвінавачванага застанеццае адзіны шанец на памілаванне ад імя Прэзідэнта пасля падачы адпаведнага прашэння.

Нагадаем, па прысудзе  Гомельскага абласнога суда 18 сакавіка 2015 года абвінавачаны Іваноў быў прызнаны вінаватым у хуліганстве, якое суправаджалася прымяненнем гвалту, які быў здзейснены паўторна, групай асоб, прадугледжаных ч. 2 арт. 339 КК; у наўмысным прычыненні цяжкага цялеснага пашкоджання, небяспечнага для жыцця пацярпелага, з хуліганскіх меркаванняў, прадугледжаных п. 7 ч. 2 ст.147 КК; ў рабаванні маёмасці, злучаным з ужываннем гвалту, небяспечнага для жыцця і здароўя пацярпелых, здзейсненым паўторна, групай асоб, прадугледжаным ч. 2 арт. 206 КК; у крадзяжы маёмасці, учыненых паўторна, групай асоб, прадугледжаным ч. 2 арт. 205 КК; у наўмысным супрацьпраўным пазбаўленні жыцця іншага чалавека (забойстве), якое было здзейснена з асаблівай жорсткасцю, прадугледжанае п. 6 ч. 2 арт.139 КК Рэспублікі Беларусі.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international