Салігорск: забарону пікета да Дня правоў чалавека абскраджваюць у КПЧ ААН

2015 2015-07-10T23:56:30+0300 2015-07-10T23:56:30+0300 be http://spring96.org/files/images/sources/aan-sciag.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Праваабаронца Леанід Мархотка накіраваў скаргу ў Камітэт па правах чалавека ААН у сувязі з забаронай салігорскімі ўладамі правядзення 10 студзеня 2014 году ў беларускай сталіцы шахцёраў пікету, прымеркаванага да Міжнароднага дня правоў чалавека.

За гэты час праваабаронца скарыстаўся ўсімі ўнутранымі сродкамі эфектыўнай і даступнай прававой абароны, але дамагчыся аднаўлення сваіх правоў на нацыянальным узроўні так і не здолеў. У выніку Леанід Мархотка накіраваў у Камітэт індывідуальны зварот з просьбай прызнаць факт парушэння Рэспублікай Беларусь яго правоў у адпаведнасці з часткай 2 арыткула 19 (права на свабоднае выказванне свайго меркавання) і артыкулам 21 (права на мірныя сходы) Міжнароднага пакта аб грамадзянскіх і палітычных правах. Праваабаронца спадзяецца, што Камітэт рэкамендуе Беларусі забяспечыць яму эфектыўны сродак прававой абароны, уключна з пакрыццём панесеных юрыдычных выдаткаў і кампенсацыяй за нанесеную шкоду, выкліканую парушэннем яго правоў.

Варта адзначыць, што гэта ўжо не першая скарга салігорцаў у Камітэт па правах чалавека ААН наконт забаронаў пікетаў. Апошняя з іх была накіраваная прыкладна год таму мясцовым грамадскім актывістам Уладзімірам Шыла і таксама тычылася забароны мірнага сходу, прымеркаванага да Дня правоў чалавека.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international