viasna on patreon

Адміністрацыя Прэзідэнта адфутбольвае даклад аб дыскрымінацыі беларускамоўных

2015 2015-07-01T00:18:51+0300 2015-07-01T10:03:01+0300 be https://spring96.org/files/images/sources/administracia-prezidenta.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Будынак Адміністрацыі прэзідэнта.

Будынак Адміністрацыі прэзідэнта.

Адміністрацыя Прэзідэнта зноўку пакінула без разгляду даклад салігорскіх прадстаўнікоў БХК аб выкананні правоў беларускамоўных грамадзян у рэгіёне. Пасля выпраўлення фармальнасцяў праваабаронцам у чарговы раз давялося накіроўваць дакументы ў канцылярыю першай асобы краіны.

Сітуацыю пракаментаваў мясцовы прадстаўнік Беларускага Хельсінкскага Камітэту і каардынатар працы па дакладу Леанід Мархотка:

- Папярэднія разы даклад накіроўваўся ў Адміністрацыю Прэзідэнта і іншыя дзяржаўныя ўстановы ад майго імя, як ад афіцыйнага прадстаўніка БХК у рэгіёне і каардынатара працы па дакладзе. З боку іншых устаноў аніякіх заўваг на гэты конт не мелася. Генеральная пракуратура, Міністэрства юстыцыі, Мінскі абласны суд ды іншыя ўжо разгледзелі даклад і далі свае адказы па сутнасці. Адміністрацыю Прэзідэнта, відаць, паўнамоцтвы маёй асобы ці можа адсустнасць якога штэмпеля не задаволілі, - кажа праваабаронца. - Думаю, калі б Адміністрацыю найперш цікавілі правы беларускамоўных, дык адказ быў бы мне ўжо даўно дасланы. Нішто ж не замінае ў тым жа адказе па сутнасці звярнуць сваю ўвагу на неабходнасць выканання нейкіх дробных фармальнасцяў у будучыні.

Па словах Леаніда Мархоткі, даклад быў зноўку дасланы ў Адміністрацыю Прэзідэнта. Гэтым разам за подпісам асабіста старшыні арганізацыі на фірмовым бланку з пячаткай. Праваабаронцы спадзяюцца нарэшце атрымаць адказ з Адміністрацыі з каментарамі па сутнасці ўзнятых у дакладзе праблем.

Апошнія навіны

Партнёрства

Сяброўства