Крычаў: чарговая карупцыйная справа

2015 2015-06-30T10:24:07+0300 2015-06-30T10:24:07+0300 be http://spring96.org/files/images/sources/prakuror-arysht.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

На судовым працэсе па разгляду крымінальнай справы былога генеральнага дырэктара “Крычаўцэменташыфера” Леаніда Скоцкага пракурор Крычаўскага раёна Уладзімір Трывайла запатрабаваў яго пакарання 12 гадамі пазбаўлення волі з канфіскацыяй маёмасці, а таксама на пяць гадоў абмежаванне займаць кіруючыя пасады, звязаныя з кантрольна-распарадчымі функцыямі. Уладзімір Трывайла агучыў сваё патрабаванне ў судзе Крычаўскага раёна 25 траўня.

Як паведамляе інтэрнэт-сайт незалежнай газеты “Вольны горад”, на судовым працэсе пацвердзілася інфармацыя пра адладжаную сістэму пабораў, якая існавала на ААТ “Крычаўцэменташыфер”, калі ў якасці генеральнага дырэктара там працаваў Леанід Скоцкі.

Суд Крычаўскага раёна пачаў разгляд крымінальнай справы ў адносінах да былога генеральнага дырэктара “Крычаўцэменташыфера” Леаніда Скоцкага 10 сакавіка. Леанід Скоцкі абвінавачваецца згодна ч.3 арт. 424 (злоўжыванне ўладай альбо службовымі паўнамоцтвамі), ч. 1 і 2 арт. 430 (атрыманне хабара) Крымінальнага кодэкса. Па дадзеных следства, Леанід Скоцкі незаконна атрымаў у агульнай колькасці 214 мільёнаў рублёў. Згодна следства, былы генеральны дырэктар датычны да 12 эпізодаў пабораў грашовых сродкаў з прэмій працаўнікоў завода. Леанід Скоцкі, атрымліваючы заробак каля 30 млн. рублёў, не грэбаваў браць хабары ў 20 даляраў, а таксама харчавацца ў завадской сталовай, не плацячы за гэта грошы.

Нагадаем, што генеральны дырэктар ААТ “Крычаўцэменташыфер” Леанід Скоцкі быў затрыманы восенню 2013 года супрацоўнікамі МУС і КДБ пры перадачы грошай. Леанід Скоцкі спрабаваў прысвоіць 40 мільёнаў рублёў, выдадзеных працаўнікам прадпрыемства ў якасці прэміі "за эканомію паліўна-энергетычных рэсурсаў” у першым паўгоддзі 2013 года.

Да свайго прызначэння на пасаду генеральнага дырэктара “Крычаўцэменташыфера” Леанід Скоцкі працаваў намеснікам старшыні Крычаўскага райвыканкама, на момант арышту ён таксама з’яўляўся членам Крычаўскага раённага выканаўчага камітэта. У 2012 годзе Леанід Скоцкі быў прызнаны “Чалавекам года” Крычаўскага раёна.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international