FIDH: Савет па правах чалавека павінен працягваць выконваць свае абавязкі ў дачыненні да сітуацыі ў Беларусі

2015 2015-06-22T14:54:21+0300 2015-06-22T14:55:02+0300 be http://spring96.org/files/images/sources/haraszti-fidh.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Прэзентацыя справаздачы FIDH і ПЦ "Вясна" ў СПЧ ААН у Жэневе. 6 сакавіка 2014 г.

Прэзентацыя справаздачы FIDH і ПЦ "Вясна" ў СПЧ ААН у Жэневе. 6 сакавіка 2014 г.

Сітуацыя з правамі чалавека ў Беларусі па-ранейшаму характарызуецца сур’ёзнымі, шырока распаўсюджанымі і сістэматычнымі парушэннямі.

Паводле Спецыяльнага дакладчыка ААН Міклаша Харасці, парушэнні ў краіне носяць “сістэмны і сістэматычны” характар. У 2013-2014 гадах FIDH зафіксавала факт парушэння эканамічных і сацыяльных правоў, у тым ліку правоў працоўных, які былі такімі ж сур’ёзнымі, як і парушэнні грамадзянскіх і палітычных правоў у краіне. Занепакоенасць з нагоды прымусовай працы ў Беларусі ў значнай ступені паўтарыў Камітэт ААН па эканамічных, сацыяльных і культурных правах у сваіх рэкамендацыях да краіны. На сваёй 26-й сесіі (у чэрвені 2014 года) Савет па правах чалавека прыняў рэзалюцыю аб працягу яшчэ на год мандата Спецыяльнага дакладчыка па пытанні аб становішчы ў галіне правоў чалавека ў краіне.

Нягледзячы на вызваленне пасля трох гадоў адвольнага затрымання прэзідэнта ПЦ “Вясна”  і віцэ-прэзідэнта FIDH Алеся Бяляцкага, сітуацыя з правамі чалавека ў Беларусі не палепшылася. Наглядным прыкладам сістэматычнага падаўлення незалежных меркаванняў і іншадумцаў, а таксама ціску на грамадзянскую супольнасць, з’яўляецца выкарыстанне прэвентыўных адвольных затрыманняў, пра што сведчаць FIDH і ПЦ “Вясна”. Наш апошні даклад  паказвае, што ўлады Беларусі сістэматычна і без законных падставаў арыштоўваюць актывістаў напярэдадні важных грамадскіх падзей, каб пазбегнуць любых формаў пратэсту.

На міжнародным узроўні ўрад Беларусі працягвае ігнараваць рэкамендацыі органаў ААН і адмаўляецца ад супрацоўніцтва з імі. Беларусь праігнаравала рашэнне Працоўнай групы ААН па адвольным затрыманні, паводле якога ўтрыманне пад вартай Алеся Бяляцкага было прызнана адвольным, што асудзіў і іншы орган ААН, Камітэт па правах чалавека (КПЧ), пасля таго, як усякае супрацоўніцтва з ім было спынена. Рашэнне КПЧ ад кастрычніка 2014 г. з’яўляецца гістарычным, паколькі яно прааналізавала прычыны, якія прымусілі дзяржаву адмовіць ПЦ “Вясна” ў рэгістрацыі, і прызнала, што яны  парушылі права на свабоду аб’яднанняў, абароненага Пактам, паколькі яны не былі ні законнымі, ні неабходнымі ў інтарэсах нацыянальнай бяспекі або грамадскай бяспекі, грамадскага парадку, аховы здароўя або маралі насельніцтва, ці абароны правоў і свабодаў іншых асобаў. Яно таксама прызнае, што ўтрыманне пад вартай Алеся Бяляцкага было прамым следствам парушэння яго права на свабоду аб’яднанняў, што яго права на прэзумпцыю невінаватасці і на належнае судовае разбіральніцтва было парушана, і запатрабавала ад Беларусі прадаставіць яму кампенсацыю, а таксама зрабіць захады, каб падобнае не паўтарылася ў будучыні.

Сёлета, калі сітуацыя ў Беларусі была разгледжаная ў рамках Універсальнага перыядычнага агляду (УПА) (4 траўня) і знаходзіцца на стадыі абмеркавання на 29-й сесіі Савета па правах чалавека, увага Савета не павінна быць адцягнутая роляй Беларусі ў арганізацыі перамоваў па ўкраінскім канфлікце. Акрамя таго, цяжар сітуацыі з правамі чалавека ў іншых краінах рэгіёну Усходняй Еўропы і Цэнтральнай Азіі (у Азербайджане   і Узбекістане) не павінен служыць апраўданнем для аслаблення ціску на беларускі ўрад. Неабходнасць міжнароднага маніторынгу сітуацыі ў гэтых краінах ні якім чынам не супярэчыць намаганням міжнароднай супольнасці ў Беларусі. Напярэдадні сёлетніх прэзідэнцкіх выбараў – улічваючы, што выбарчыя кампаніі і выбары ў Беларусі неаднаразова характарызаваліся падвышанымі рэпрэсіямі – Савет па правах чалавека павінен пакінуць сітуацыю ў краіне сярод прыярытэтных пытанняў у сваім парадку дня.

За некалькі месяцаў да прэзідэнцкіх выбараў у Беларусі Савет мае прыняць рэзалюцыю аб працягу мандата Спецыяльнага дакладчыка па пытанні аб становішчы ў галіне правоў чалавека ў краіне, чые справаздачы, у цэлым, уяўляюць сабой дарожную карту для структурных, сістэмных рэформаў у галіне правоў чалавека. Савет павінен таксама заклікаць Беларусь дазволіць Спецыяльнаму дакладчыку наведаць краіну, што яна да гэтага часу адмаўлялася рабіць.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international