Заробак палітвязня Пракапенкі складае 50 тысяч беларускіх рублёў

2015 2015-06-10T16:46:42+0300 2015-06-10T17:08:41+0300 be http://spring96.org/files/images/sources/prakapienka.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Арцём Пракапенка

Арцём Пракапенка

8-9 чэрвеня адбылося доўгатэрміновае спатканне палітвязня Арцёма Пракапенка з бацькамі. Доўжылася яно фактычна меней за суткі - з 15 гадзін дня да 11 гадзін раніцы наступнага.

Падчас сустрэчы Арцём адзначыў, што ўмовы ўтрымання пагоршыліся: калонія перапоўненая, замест 10 чалавек на 24 кв.м., цяпер на той жа плошчы ўтрымліваецца 12 чалавек.

У дадзены момант палітычны зняволены працуе аператарам станка па вырабе цеплавых трубаў і атрымлівае заробак у 50 тысяч бел. руб. у месяц.

"Раней дзесьці я чытала, што сярэдні заробак у калоніях 800 тысяч беларускіх рублёў, а ў яго атрымліваецца - 50 тысяч. Раней ён зарабляў 20 000, цяпер 50 000 - і гэта лічыцца адным з вялікіх заробкаў", - распавяла маці палітвязня.

На здароўе Арцём Пракапенка не скардзіцца.

Нагадаем, палітвязень Арцём Пракапенка падаў прашэнне прэзідэнту краіны аб памілаванні яшчэ ў лютым 2015 года. Раней Аляксандр Лукашэнка публічна заяўляў, што «будзе зварот - будзе мой подпіс». Але 17 красавіка 2015 палітзняволены патэлефанаваў родным з магілёўскай калоніі і паведаміў, што яму адмовілі ў прашэнні без тлумачэння прычын.

"Арцём Пракапенка, асуджаны разам з Паўлам Сырамолатавым і Яўгенам Васьковічам на 7 гадоў пазбаўлення волі за спробу зняць на відэа акцыю пад бабруйскім КДБ у 2010м годзе, як і астатнія палітвязьні, заўжды меў статус злоснага парушальніка рэжыму ўтрымання. На Арцёма аказваўся ціск, каб ён напісаў заяву на памілаванне, як гэта зрабіў Павал Сырамолатаў у 2012 годзе і ў выніку чаго быў вызвалены. Нядаўна Арцём пагадзіўся на такі крок па просьбе бацькоў, але атрымаў адмову, што сведчыць пра змены ў палітычнай волі адносна лёса палітвязняў у параўнанні з сітуацыяй 2012 году", - каментуе сітуацыю юрыст Праваабарончага цэнтру "Вясна" Наста Лойка.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international