Брэст: у Дзень абароны правоў дзіцяці – пра праблемы дзяцей

2015 2015-06-02T10:38:15+0300 2015-06-02T10:38:15+0300 be http://spring96.org/files/images/sources/bsdpg-logo.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

У Брэсце адбыліся мерапрыемствы, з нагоды Міжнароднага дня абароны правоў дзіцяці. У прыватнасці, гарадская арганізацыя Беларускай сацыял-дэмакратычнай партыі (Грамада) зладзіла адмысловы семінар, каб нагадаць, што дзяржава далёка не заўсёды выконвае свае абавязкі.

Як нагадала адзін з арганізатараў семінара Наталля Галаніна, паводле Дэкларацыі правоў дзіцяці, кожны чалавек з нараджэння мае права на жыццё, на свабоду слова, на сям'ю, на бяспеку, на справядлівасць, на адукацыю і годныя сацыяльныя гарантыі, на адпачынак і вольны час. Аднак непасрэдна ў Брэсце зараз назіраецца сітуацыя, калі не хапае дзіцячых садкоў, школ і дзіцячых паліклінік. “Мы лічым, што нельга замоўчваць дадзеныя праблемы і варта падымаць іх перад дзяржаўнымі ўстановамі, калі справа тычыцца правоў дзяцей, - распавяла Наталля Галанина. – Таму ў нашым горадзе працягваецца кампанія “За даступную адукацыю па месцы жыхарства”, накіраваная на будаўніцтва дзіцячых садоў і школ у новых мікрараёнах Брэста. Але апошнія заявы ўладаў у гэтай сферы толькі засмучаюць: школу-садок у мікрараёне Паўднёвы збіралася ўвесці ў эксплуатацыю ў 2014-м годзе, цяпер абяцаюць у 2016-м”.

Удзельнікі семінара прыгадвалі і іншыя выпадкі, калі дзяржава не належным чынам абараняе правы дзіцяці, хоць на ўтрыманне бюракратычнай сістэмы, што кантралюе гэтыя пытанні, марнуюцца вялікія грошы.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international