Салігорск: актывіст АГП не атрымлівае лісты з адказамі на свае запыты ў дзяржаўныя інстанцыі

2015 2015-05-26T23:49:18+0300 2015-05-26T23:49:18+0300 be http://spring96.org/files/images/sources/malochka.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Віктар Малочка (Cалігорск)

Віктар Малочка (Cалігорск)

Старшыня Мінскай абласной арганізацыі партыі АГП Віктар Малочка за непрацяглы перыяд часу не атрымаў шэраг лістоў з адказамі на свае запыты ў розныя дзяржаўныя інстацыі. З гэтай нагоды апазіцыянер гатовы пайсці ў суд з пазовам супраць дзяржаўнага прадпрыемства “Белпошта”.

- Яшчэ ў ліпені 2013 года я накіроваў запты ў выканкамаўскую газету “Шахцёр” і толькі ў сакавіку 2014-га, пасля скаргі ў Генпракуратуру, атрымаў адказ з газеты, дзе сцвярджалася, што раней мне ўжо накіроўвалі ажно два адказы. У снежні 2014-га ад імя партыі я накіраваў ліст у Салігорскі райвыканкам па пытанні зносу помніку ў аграгарадку Крывічы. Адказу я дагэтуль не атрымаў, але ў вынкаме паведамілі, што яго мне накіроўвалі нават з уведамленнем! У жніўні 2014 года я звяртаўся да генеральнага дырэктара Беларуськалія па праблеме небяспечных шахтных падпрацовак у тым жа аграгарадку Крывічы. Галоўнага ліста з адказам я таксама дагэтуль не атрымаў. Я звяртаўся нават ў пракуратуру, каб яны зладзілі праверку па факце неатрымання мною адказу з Беларуськалія. Гэта ўжо можа прагучаць проста смешна, але ліста з адказам з пракуратуры я таксама не атрымаў, - абураецца Віктар Малочка.

Па запыце апазіцыянера кіраўніцтвам Белпошты была праведзена праверка. Выявілася, што ўсе дзяржаўныя ўстановы адказы на звароты давалі, але куды падзеліся лісты, нават якія дасылаліся чыноўнікамі з уведамленнем, адміністрацыя салігорскага аддзялення паштовай сувязі растулмачыць не змагла.

- Я нават афіцыйна звяртаўся на пошту, каб усе мае лісты пакідалі ў аддзяленні, пакуль я сам не прыду і не забяру іх. Ёсць у іх такая магчымасць. У выніку, калі я прыходзіў за доўгачаканым адказам на пошту і яго там не было, мне казалі пра яго дастаўку дадому. Натуральна, і ў сваёй хатняй паштовай скрыні я нічога не знаходзіў. Не ведаю, ці гэта робіцца кімсьці наўмысна, ці па звычайнай халатнасці, але знікненне маёй перапіскі па грамадска-палітычных справах выглядае вельмі дзіўна. У любым разе, на пошукі зніклых адказаў губляецца шмат часу і грошай, - кажа сябра АГП.

У цяперашні момант партыец рыхтуе прапанову да кіраўніцтва Белпошты аб дабравольнай кампенсацыі панесеных ім матэрыяльных і маральных выдаткаў. Калі Белпошта не пойдзе насустрач, партыец абяцае звярнуцца з пазовам у суд.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international