Гродзеншчына: заяўленыя АГП пікеты супраць Дэкрэту №3 не дазволены
Гродзенскія прадстаўнікі АГП па-ранейшаму спрабуюць атрымаць дазвол на правядзенне інфармацыйных пікетаў. На гэты раз прадстаўнікі гэтай партыі падалі заяўкі на правядзенне шэрагу пікетаў супраць Дэкрэту №3 – так званага дэкрэту “пра дармаедаў”. Пяць заяваў было пададзена ў гарвыканкам у Гродне, іншыя – ў Слоніме, Лідзе і Астраўцы. Аднак атрымаць станоўчы адказ на правядзенне такіх інфармацыйных пікетаў не ўдалося.
Гродзенскія чыноўнікі цягам многіх гадоў сістэмна адмаўляюць грамадскім актывістам і прадстаўнікам палітычных партый праводзіць масавыя мерапрыемствы. Па словах старшыні Гродзенскай абласной арганізацыі АГП Аляксандры Васілевіч, Дэкрэт№3 абсалютна неканстытуцыйны, ён супярэчыць асноўнаму закону дзяржавы, у ім утрымліваецца шэраг неадпаведнасцяў і супярэчнасцяў. Аднак выказаць публічна свае меркаванні сябрам АГП не далі і на гэты раз.
