Брэст: на незалежную журналістку Аліну Літвінчук завялі чарговую адміністрацыйную справу

2015 2015-05-21T17:42:56+0300 2015-05-21T17:42:56+0300 be http://spring96.org/files/images/sources/alina-lirvinchuk.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Журналістка Аліна Літвінчук

Журналістка Аліна Літвінчук

У чацвёрты раз – па абвінавачанні ў парушэнні артыкула 22.9 Кодэкса аб адміністратыйных правапарушэннях, а фактычна – за працу на замежныя СМІ без акрэдытацыі.

Аліна Літвінчук атрымала па пошце копію пратакола, складзенага супрацоўнікам міліцыі Анатолем Чарнавокім. З дакумента вынікае, што незалежная журналістка зрабіла інтэрв’ю з актывісткай Аленай Каховіч, якое пасля было размешчана “ў кампутарнай сетцы Інтэрнэт на сайце польскай радыёстанцыі Радыё Рацыя”. У пратаколе адзначаецца, што паколькі Аліна Літвінчук не мае акрэдытацыі ў якасці журналіста на тэрыторыі Рэспублікі Беларусь, яна парушыла патрабаванне артыкула 36 Закона “Аб сродках масавай інфармацыі”, бо “здзейсніла незаконны выраб прадукцыі сродкаў масавай інфармацыі”.
Дагэтуль сёлета ў дачыненні да Аліны Літвінчук былі заведзены і разгледжаны судамі дзве адміністрацыйныя справы, паводле якіх журналістку аштрафавалі агулам на 70 базавых велічынь. Яшчэ адна адміністрацыйная справа Літвінчук судом пакуль не разгледжана.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international