Подпісы за беларускамоўныя шыльды перадалі ў Салігорскі выканкам
Салігорская арганізацыя ТБМ скончыла збор подпісаў пад патрабаваннем да мясцовых уладаў прывесці шыльды з назвамі Салігорскага райвыканкаму і Савета дэптутатаў, прадпрыемстваў, арганізацый і ўстаноў, а таксама ўсю вонкавую інфармацыю ў горадзе ў адпаведнасць з патрабаваннямі моўнага закандаўства.
Па словах старшыні суполкі Уладзіміра Масакоўскага, свае подпісы пад зваротам пакінулі актывісты арганізацыі і вядомыя грамадскія дзеячы гораду. Агулам зварот да мясцовых уладаў падтрымала амаль паўсотні чалавек. У аўторак, 19 траўня, дакумент з подпісамі быў накіраваны на разгляд старшыні Салігорскага райвыканкаму Аляксандру Рымашэўскаму.
Гэта ўжо ня першая спроба мясцовых актывітаў Таварыста беларускай мовы абараніць свае моўныя правы, аднак дагэтуль у абсалютнай большасці выпадкаў шыльды з назвамі і вонкавая інфармацыя ва ўстановах гораду, у тым ліку органах мясцовай улады, выкананы толькі на рускай мове. Тым не менш Уладзімір Масакоўскі лічыць, што ў цяперашніх грамадска-палітычных умовах маецца рэальны шанец зменшыць ступень дыскрымінацыі беларускамоўных грамадзян у сталіцы шахцёраў.
