Баранавічы: суд па справе адмовы ў правядзенні першамайскага пікета прызначаны на 14 траўня

2015 2015-05-12T00:17:11+0300 2015-05-12T00:17:11+0300 be http://spring96.org/files/images/sources/gryk-shod.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Рыгор Грык.

Рыгор Грык.

Прафсаюзны актывіст Рыгор Грык атрымаў паведамленне з суда Баранавіцкага раёна і горада Баранавічы аб тым, што яго скарга на адмову гарвыканкама ў правядзенні першамайскага пікета, будзе разгледжана 14 траўня.

Рыгор Грык лічыць адмову пікета 1 траўня, у Дзень міжнароднай салідарнасці працоўных, незаконнай. Па ягоных словах, ён выканаў неабходныя ўмовы для правядзення масавага мерапрыемства: своечасова падаў заяву на пікет у гарвыканкам з асабістым абавязацельствам, згодна з якім ён браў на сябе прыборку тэрыторыі пасля правядзення пікета, а таксама стварэнне групы з 3-х чалавек для ажыццяўлення аховы грамадскага парадку падчас акцыі. Заяўнік заключыў неабходную дамову з гарадской паліклінікай па абслугоўванні першамайскай акцыі салідарнасці працоўных, якая планавалася ў дазволеным гарвыканкамам месцы.

Рыгор Грык лічыць, што што забарона пікета звязана не толькі з тым, што ўдзельнікі хацелі выказаць пратэст у сувязі з ростам коштаў і падзеннем заробкаў працоўных, але і з тым, што пікетоўшчыкі збіраліся патрабаваць адмены Дэкрэта №3 “Аб папярэджанні сацыяльнага ўтрыманства”, які парушае правы грамадзян.

У мінулым годзе Рыгору Грыку ўдалося ў судзе даказаць незаконнасць адмовы пікету “Дзеянні ўлады пад грамадзянскі кантроль”. Чыноўнікі Баранавіцкага гарвыканкама абвінавацілі Грыка ў радыкалізме і забаранілі пікет. Суд прызнаў неправамоцным рашэнне чыноўнікаў. Рыгор Грык спадзяецца, што і на гэты раз суд вынясе справядлівае рашэнне.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international