Наглядная скарга журналіста Віктара Парфёненкі не задаволена (дакумент)

2015 2015-04-13T12:19:12+0300 2015-04-28T13:17:43+0300 be http://spring96.org/files/images/sources/parfionenka-1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Журналіст Віктар Парфёненка

Журналіст Віктар Парфёненка

Гродзенскі журналіст-фрылансер працягвае сваё змаганне за права на прафесію. Так і не атрымаўшы афіцыйнай акрэдытацыі карэспандэнта Беларускага Радыё Рацыя, на якую журналіст без станоўчага выніку з 2009-га году складаў паперы ў МЗС Рэспублікі Беларусі сем разоў, Парфёненка зараз імкнецца дамагчыся афіцыйнай акрэдытацыі праз судовую сістэму. Суд Ленінскага раёну сталіцы Беларусі яшчэ раней пастановай ад 14 лістапада 2014 года адмовіў яму ў пачынанні грамадзянскай справы. Гэтую пазіцыю падтрымала калегія па грамадзянскіх справах Мінскага гарадскога суда 19 студзеня. Зараз жа журналіст атрымаў адмову ад 2 красавіка на сваю наглядную скаргу.

Старшыня Мінскага гарадсога суда П.І.Каршуновіч лічыць, што суд першай інстанцыі, адмаўляючы ў пачынанні грамадзянскай справы, слушна сыходзіў з таго, што паколькі патрабаванні журналіста вынікаюць з прафесійнай дзейнасці і звязаны з яго працай, то скарга на дзеянні Камісіі МЗС у звязку з адмовай акрэдытацыі пры МЗС не падлягае разгляду ў парадку арт. 365 ГПК.

Пакуль Віктар Парфёненка разбіраецца ў юрыдычных нюансах далейшага абскарджання рашэнняў МЗС і пастановаў судоў. Але ўжо зразумела, што імкненне атрымаць афіцыйную акрэдытацыю журналістам Беларускага Радыё Рацыя пераўтвараецца для фрылансера ў хаджэнне па замкнутым коле.  

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international