Валянцін Стэфановіч: Тлумачэнні міністра не вытрымліваюць аніякай крытыкі

2015 2015-04-03T11:25:38+0300 2015-04-03T11:25:38+0300 be http://spring96.org/files/images/sources/stefanovich_27.jpg
Намеснік старшыні ПЦ “Вясна” Валянцін Стэфановіч

Намеснік старшыні ПЦ “Вясна” Валянцін Стэфановіч

 Пільнасць міліцыі ў адносінах да фатографаў – гэта спроба „абараніць грамадзян ад магчымых пагроз”. Пра гэта паведаміў міністр унутраных спраў Беларусі Ігар Шуневіч.

„Калі ў супрацоўніка ёсць унутранае перакананне, што пагроза існуе, што вы фатаграфуеце ў неналежных мэтах, ён абавязаны праверыць, што і для чаго вы фатаграфуеце”, – заявіў кіраўнік МУС.

Намеснік старшыні праваабарончага цэнтра „Вясна” Валянцін Стэфановіч лічыць, што тлумачэнні міністра не вытрымліваюць аніякай крытыкі:

- Інтэрпрэтацыю заканадаўства вельмі дзіўна пачуць з вуснаў міністра, паколькі ўсе падставы для затрымання грамадзян выкладзены ў Законе пра органы ўнутраных спраў і таксама ў Кодэксе пра адміністрацыйныя парушэнні. Чалавека могуць затрымаць толькі ў падазрэнні ў здзяйсненні правапарушэнняў, таму ўсе інтэрпрэтацыі, што вы здымаеце і мы не ведаем у якіх мэтах вы гэта робіце, таму мы вас затрымаем – гэта абсалютна незаконнае і называецца гэта на юрыдычнай мове адвольнае затрыманне.

Пры гэтым міністр унутраных спраў Беларусі адзначыў, што кампенсаваць фатографам магчымую шкоду ў выглядзе спазненняў на цягнік, самалёт і гэтак далей ніхто не абавязаны. Шуневіч абяцаў падумаць над тым, каб на аб’ектах, фотаздымка якіх можа стаць прычынай для праверкі, з’явіліся інфармацыйныя шыльды.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international