Мікалай Статкевіч адмовіўся ад так званай працы па самаабслугоўванню

2015 2015-03-31T09:24:48+0300 2015-03-31T09:24:48+0300 be http://spring96.org/files/images/sources/statkevich-m.jpg
Мікола Статкевіч

Мікола Статкевіч

Палітзняволены, былы кандыдат у прэзідэнты Мікалай Статкевіч, які зараз адбывае пакаранне ў калоніі №17 у Шклове, напісаў заяву ў адміністрацыю калоніі з адмовай ад так званай працы па самаабслугоўванню, паколькі лічыць яе незаконнай. У такую працу ўваходзіць, напрыклад, уборка тэрыторыі ў калоніі.

Па словах жонкі палітыка Марыны Адамовіч, Мікалай Статкевіч пайшоў на гэты крок, палічыўшы выкананай сваю галоўную задачу ў калоніі, куды ён паўторна трапіў пасля магілёўскай турмы ў студзені 2015 году. - Ён атрымаў магчымасць удакладніць і пацвердзіць пэўныя факты і задакументаваць, самае галоўнае, гэтыя факты аб незаконных дзеяннях адміністрацыі ў дачыненні да палітзняволенных і не толькі да іх, на працягу 2011 года і ўжо непасрэдна зараз. Яшчэ ў першыя дні знаходжання ў калоніі ён паставіў сабе такую задачу, сказаў, што ён плануе дзесьці тры звароты ў Генеральную пракуратуру, каб задакументаваць тое, што адбывалася ў калоніі.

Па словах Марыны Адамовіч, Мікалай Стакевіч казаў, што каб выканаць гэтую задачу, ён не дасць адміністрацыі падстаў абвінаваціць яго ў нейкіх парушэннях. Адмова ад працы з’яўляецца цяжкай правіннасцю. Таму Мікалай Статкевіч можа быць падвергнуты жорсткім спагнанням – змяшчэнню ў штрафны ізалятар ці памяшканне камернага тыпу і нават узбуджэнню новай крымінальнай справы, – кажа Марына Адамовіч. 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international