Гомельская міліцыя вінаваціць чарговага фрылансера ў незаконным вырабе “прадукцыі СМІ”

2015 2015-03-26T15:01:58+0300 2015-03-26T15:01:58+0300 be http://spring96.org/files/images/sources/zhukouski_k.jpg
Кастусь Жукоўскі

Кастусь Жукоўскі

26 сакавіка гомельскага сябра ГА “БАЖ” Кастуся Жукоўскага выклікалі ў Чыгуначны РАУС, дзе капітан міліцыі Віктар Сцепаненка склаў адміністрацыйны пратакол паводле артыкула 22.9 КаАП (“Незаконны выраб і распаўсюд прадукцыі СМІ”) Пратакол будзе накіраваны ў суд.

Як распавёў службе маніторынгу ГА “БАЖ” сам Жукоўскі, падставай паслужыў матэрыял на сайце тэлеканала “Белсат” (Польшча) пад назвай “За забітае дзіцё пакаралі педагогаў ды медыкаў”.

Міліцыя папярэдне апытала настаўнікаў гомельскай сярэдняй школы №12, якія патрапілі ў відэасюжэт. Апрача таго у матэрыялах адміністрацыйнай справы быў адказ з Міністэрства замежных спраў Беларуси аб тым, што Жукоўскі не акрэдытаваны ў Беларусі як карэспандэнт замежнага СМІ.

– Я напісаў у пратаколе, што не згодны з ім. Пры гэтым патлумачыў капітану Сцепаненку, што падобныя пратаколы не што іншае, як пераслед грамадзянаў за тое, што яны карыстаюцца сваім канстытуцыйным правам на збор і распаўсюд інфармацыі. Апрача таго, такія пратаколы дыскрэдытуюць краіну ў вачах міжнароднай супольнасці, – кажа Кастусь Жукоўскі.

Нагадаем, што 12 сакавіка суддзя Цэнтральнага суду Гомеля Віктар Казачок пастанавіў аштрафаваць на 20 базавых велічыняў (3 мільёны 600 тысяч рублёў) сябра ГА “БАЖ”Ларысу Шчыракову – таксама за выраб без акрэдытацыі прадукцыі СМІ для тэлеканалу “Белсат”.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international