Адзначыць Дзень Волі ў Віцебску не дазволілі

2015 2015-03-24T14:43:38+0300 2015-03-24T14:43:38+0300 be http://spring96.org/files/images/sources/dzen-voli-znak.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Сябры КХП БНФ падавалі заяўку на пікет уадміністрацыю Чыгуначнага раёна, але чыноўнікі акцыю забаранілі. Прычына забароны традыцыйная: адсутнасць дамоваў на абслугоўванне пікета міліцыяй і хуткай дапамогай.

Дамоваў на абслугоўванне чыноўнікі патрабуюць паводле рашэння Віцебскага гарвыканкаму "Аб арганізацыі масавых мерапрыемстваў у г.Віцебску. Такія дамовы трэба заключаць папярэдне і падаваць разам з заяўкай на акцыю. Але і міліцыя, і цэнтральная паліклініка яшчэ ні разу не пагадзілася заключыць дамовы з актывістамі, распавёў сябар КХП БНФ Ян Дзяржаўцаў:

"Толькі камунальнікі ні разу не адмовіліся з намі супрацоўнічаць. Гэтым разам таксама адказалі, што дамову заключыць не супраць. А вось галоўурач паліклінікі адказаў, што ў пачатку сакавіка ён не бярэцца прадказаць, наколькі інтэнсіўна будзе працаваць хуткая дапамога 25 чысла. Таму дамову не заключыць. З міліцыі таксама адказ ужо звыклы: мы будзем ахоўваць правапарадак на пікеце, для гэтага не трэба ніякая дамова, але – толькі ў тым выпадку, калі акцыю вам дазволяць. Так што зноў атрымалася зачараванае кола, па якім мы ходзім ўжо шосты год – з 2009 года, калі гарвыканкам прыняў тое свае рашэнне".

Адсвяткаваць Дзень Волі афіцыйным чынам улады не дазваляюць, а міліцыя штогод 25 сакавіка праводзіць у горадзе звыш пільнае патруляванне. Супрацоўнікі міліцыі, а таксама людзі ў цывільным, але з рацыямі, адсочваюць усе перасоўванні грамадскіх актывістаў. Асабліва ўважліва сочаць за тымі, хто спрабуе адзначыць свята беларускай незалежнасці хаця б ускладаннем кветак да помніка Уладзіміру Караткевічу. Каля помніка міліцыянты не толькі назіраюць за правапарадкам, але і здымаюць людзей з букетамі на відэакамеры.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international