У Гродна працягваецца ціск на незалежных журналістаў

Гродзенскія сябры БАЖ Алесь Дзянісаў і Алесь Кіркевіч былі выкліканы ў аддзяленне міліцыі па вуліцы Гараднічанскай, дзе ў журналістаў былі ўзяты тлумачэнні адносна матэрыялу, які быў паказаны на тэлеканале “Белсат”. Сюжэт датычыў адкрыцця выставы ў музеі гісторыі рэлігіі. Праверку паводле факту з’яўлення гэтага сюжэту ініцыяваў КДБ. Да 27-га сакавіка міліцыя павінна правесці і скончыць праверку на прадмет правапарушэння. Не выключаецца ўзбуджэнне адміністрацыйныя справы паводле артыкулу за незаконны выраб інфармацыйных матэрыялаў.

Гродзенскія праваабаронцы звязваюць такі ціск на незалежных журналістаў з сістэмным знішчэннем незалежных медый у рэгіёне.