Тамара Сялюн звярнулася ў Канстытуцыйны суд

2015 2015-03-16T15:36:24+0300 2015-03-16T16:02:38+0300 be http://spring96.org/files/images/sources/sialiun_vystava_balaj_1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Тамара Сялюн на выставе "Вышэйшая мера".

Тамара Сялюн на выставе "Вышэйшая мера".

Маці растралянага Паўла Селюна накіравала зварот у Канстытуцыйны суд. У ім яна звяртае ўвагу, што практыка прывядзення смяротнага пакарання ў выкананне і арт. 175 Крымінальна-выканаўчага кодэксу Рэспублікі Беларусь прыносіць душэўныя пакуты родным і блізкім пакараных.

У звароце Тамара Сялюн кажа, што абстаноўка поўнай сакрэтнасці пра час прывядзення пакарання і месца пахавання, адмова ў выдачы целаў растраляных раўнацэнныя запужванню і наказанню сем’яў растраляных. Гэта пакідае блізкіх пакараных ў стане нявызначаннасці і псіхалагічным стрэсе. Такія дзеянні с боку дзяржавы можна расцаніць як катаванні родных растраляных, а таксама жорсткае і бесчалавечнае абыходжанне з імі, што супярэчыць ч. 3 артыкула 25 Канстытуцыі Рэспублікі і Беларусь. Акрамя таго, і арт. 7 Міжнароднага пакта аб грамадзянскіх і палітычных правах, які Беларусь ратыфікавала.

Як доказ сваёй пазіцыі, маці растралянага прыводзіць рашэнні Камітэта па правах чалавека ААН па справах Бандарэнка супраць Беларусі, Ляшкевіч супраць Беларусі, Кавалёва і Козяр супраць Беларусі. У гэтых рашэннях Камітэт абавязвае Беларусь паведаміць родным пакараных смерцю месцы пахавання іх дзяцей і не рабіць аналагічных парушэнняў у будучым.

У сувязі з вышэй пералічаным, Тамара Сялюн просіць Канстытуцыйны суд узбудзіць вытворчасць па ліквідацыі ў нарматыўных прававых актах недакладнасцей у адпаведнасці з Канстытуцыяй і Міжнароднымі дамовамі. І як вынік, прыняць рашэнне аб унясенні дапаўненняў і зменаў у нацыянальная заканадаўства.

Акрамя таго, Тамара Сялюн накіравала скаргу і на рашэнне суда Ленінскага раёна г. Гродна у судовую калегію па грамадзянскіх справах.

Нагадаем, Павел Сялюн быў прысуджаны да смяротнага пакарання і расстраляны 18 красавіка 2014. Прыблізна праз месяц пасля гэтага яго маці Тамары Сялюн была накіравана спецвопратка пакаранага, у якой ён чакаў прывядзення прысуду ў выкананне. Акрамя таго, ёй не былі паведамлены дакладны час і месца пахавання П. Селюна, не было выдадзена яго цела для пахавання.

23 лютага 2014 Т. Селюн накіравала скаргу на дзеянні Дэпартамента выканання пакаранняў МУС РБ і Гродзенскага абласнога суда ў Ленінскі суд г. Гродна, які пакінуў яе без задавальнення.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international